រាជធានីភ្នំពេញ៖ ខ្សែភាពយន្ត Evil Does Not Exist ដឹកនាំដោយលោក Ryusuke Hamaguchi គឺជាខ្សែភាពយន្តដ៏ឆ្នើមដែលស្តីអំពី ភាពស្មុគស្មាញនៃអារម្មណ៍មនុស្ស និងចម្រើសដែលយើងជួបប្រទះក្នុងជីវិតមួយនេះ។ សាច់រឿង Evil Does Not Exist ស្ថិតនៅតំបន់ជនបទនាប្រទេសជប៉ុន និងស្តីអំពីតួអង្គមួយចំនួនដែលកំពុងជួសជុលទំនាក់ទំនងរបស់ពួកគេ ក៏ដូចជាប្រឈមមុខ ជាមួយបញ្ហាដែលកើតឡើងក្នុងជីវិតប្រចាំថ្ងៃរបស់ពួកគេ។ វិធីសាស្ត្រនៃការដឹកនាំភាពយន្តរបស់លោក Ryusuke Hamaguchi មានការរូមបញ្ចូលរវាងទិដ្ឋភាពដ៏ស្រស់ស្អាត និងភាពតានតឹងរបស់សាច់រឿងដែលនេះធ្វើឲ្យទស្សនិកជនចង់ តាមដានតួអង្គបន្តទៀត។
លើសពីនេះ ល្បឿននៃសាច់រឿងមានភាពសមស្រប ងាយស្រួលសម្រាប់ទស្សនិកជនក្នុងការតាមដាននិងខ្វល់ខ្វាយពីឧបសគ្គ ដែលតួអង្គជួបប្រទះ។ ការសម្តែងរបស់តួអង្គនីមួយៗមានលក្ខណៈល្អិតល្អន់និងមានឥទ្ធិពលខ្លាំង ធ្វើឲ្យអ្នកទស្សនាចូលអារម្មណ៍ នឹងការតស៊ូរបស់ពួកគេ។ បន្ថែមនឹងនេះ ខ្សែភាពយន្តក៏បានបង្ហាញទស្សនិកជននូវទេសភាពធម្មជាតិដ៏ស្រស់ស្អាត ធ្វើឲ្យអ្នក ទស្សនាយល់អំពីគោលគំនិតនៃសាច់រឿងអំពីភាពឯកោ និងការតភ្ជាប់ទំនាក់ទំនង។ Evil Does Not Exist ជំរុញឱ្យអ្នក ទស្សនាពិចារណាពីផលនៃការសម្រេចចិត្តរបស់យើង និងសម្ពាធសង្គមដែលកំណត់សីលធម៌របស់យើង។ ខ្សែភាពយន្តធ្វើការ ចោទជាសំណួរសំខាន់ៗអំពីអត្ថន័យនៃភាពល្អ ឬអាក្រក់នៅក្នុងពិភពលោកដែលពោរពេញទៅដោយតំបន់ពណ៌ប្រផេះ។
តាមរយៈភាពមិនច្បាស់លាស់នៃការសម្រេចចិត្តរបស់តួអង្គ សាច់រឿងបានជំរុញអ្នកទស្សនាឲ្យឆ្លុះមើលតម្លៃរបស់ខ្លួននិងផល នៃការសម្រេចចិត្តនីមួយៗ។ ការស្វែងយល់ពីធម្មជាតិរបស់មនុស្សផ្តល់នូវគំនិតដ៏គួរឲ្យចាប់អារម្មណ៍ ដែលនេះសមស្របជាមួយ នឹងបុគ្គលណាដែលចូលចិត្តទស្សនាសាច់រឿងអំពីភាពស្មុគស្មាញនៃជីវិត និងទំនាក់ទំនង។
ពិសេសពីនេះទៅទៀត ខ្សែភាពយន្ត Evil Does Not Exist នឹងមានចាក់បញ្ចាំងទៅដល់ប្រិយមិត្តក្នុងកម្មវិធី មហោស្រពភាពយន្តជប៉ុន ២០២៤។ នេះជាឪកាសដ៏ល្អសម្រាប់ទស្សនិកជនថ្មី និងអ្នកគាំទ្រភាពយន្តជប៉ុនដើម្បីយល់ដឹងពី សាច់រឿងដ៏អស្ចារ្យមួយនេះក្នុងរោងភាពយន្ត។
កុំភ្លេចចូលរួមកម្មវិធីមហោស្រព ភាពយន្ត ជប៉ុន ឆ្នាំ២០២៤ ដើម្បីទទួលបាននូវបទពិសោធន៍ និងទស្សនា ខ្សែភាពយន្តប្លែកៗ ដ៏គួរឱ្យចាប់អារម្មណ៍ រួមមានខ្សែភាពយន្ត Godzilla Minus One ជាខ្សែភាពយន្តដែលបានឈ្នះពានរង្វាន់ Academy Award for Best Visual Effects។ កម្មវិធីមហោស្រព ភាពយន្ត ជប៉ុន ឆ្នាំ២០២៤ នឹងប្រព្រឹត្តិឡើងជារៀងរាល់ចុង សប្តាហ៍ចាប់ពីថ្ងៃទី ២៩ ខែ វិច្ឆិកា ដល់ថ្ងៃទី ១៥ ខែ ធ្នូ ឆ្នាំ ២០២៤។
