ក្លឹបនៅ Premier League បានចំណាយច្រើនជាងមុននៅក្នុងទីផ្សារដោះដូរកីឡាករ ខណៈដែលការចំណាយនៅរដូវក្តៅនេះលើសពី ៣ ពាន់លានផោន។
ទឹកប្រាក់សរុបចំនួន ២.៧៣ ពាន់លានផោនត្រូវបានចំណាយត្រឹមថ្ងៃទី ៣១ ខែសីហា ប៉ុន្តែកិច្ចព្រមព្រៀងថ្ងៃផុតកំណត់ដែលមានប្រាក់ច្រើន គឺការផ្លាស់ប្តូររបស់កីឡាករ Alexander Isak ពី Newcastle ទៅ Liverpool ក្នុងតម្លៃបំបែកកំណត់ត្រាអង់គ្លេស ១២៥លានផោន ដែលបានជំរុញឱ្យចំណាយសរុបក្នុងទីផ្សារដោះដូរកីឡាកររដូវក្តៅនេះ កើនដល់៣.០៨៧ ពាន់លានផោន។
ការចំណាយនេះគឺមានចំនួនច្រើនជាងរដូវក្ដៅមុន ដោយចំណាយត្រឹមតែ១.៩៦ពាន់លានផោនប៉ុណ្ណោះសម្រាប់ក្លិបនៅ Premier League ។
ចំនួនសរុបក្នុងឆ្នាំនេះគឺច្រើនជាងការចំណាយរបស់ក្លឹប Bundesliga, La Liga, Ligue 1 និង Serie A រួមបញ្ចូលគ្នាទៅទៀត៕
