ខេត្តរតនគីរី÷ លោកគ្រូអ្នកគ្រូនៅសាលាបឋមសិក្សាបុរីកម្មករមួយក្នុងសង្កាត់កាចាញ បានរៀបចំចែកប័ណ្ណសសើរនិងការដូមួយចំនួនដល់សិស្សដែលបានខំសិក្សារៀនសូត្រពូកែនិងលើកទឹកចិត្តមកដល់ពួកគាត់ ហើយអ្នកនៅមិនទាន់បានប័ណ្ណសសើរទាំងនោះ ត្រូវតែខំប្រឹងប្រែងរៀនសូត្របន្ថែមទៀត កុំអាក់អន់ចិត្តអី។
ការរៀបចំពិធីចែកប័ណ្ណសសើរនេះបានធ្វើឡើងនៅវេលាម៉ោង៨និង៣០នាទីព្រឹក ថ្ងៃទី២៩ ខែសីហា ឆ្នាំ២០២៥ នៅក្នុងបរិវេណសាលាបឋមសិក្សាបុរីកម្មករ១ ស្ថិតក្នុងភូមិ១ សង្កាត់កាចាញ ក្រុងបានលុង ក្នុងនោះដោយមានការចូលរួមពីក្រុមប្រឹក្សាសង្កាត់កាចាញ លោកមេភូមិ១ សប្បុរសជននិងអាណាព្យាបាលសិស្ស។
លោក ម៉ិល សារ៉េត នាយកសាលាបឋមសិក្សាបុរីកម្មករ១ បានបញ្ជាក់ថាសាលាបឋមសិក្សាបុរីកម្មករ១ មានអគារពីរល្វែង ក្នុងនោះមានចំនួន៦ថ្នាក់និង៦បន្ទប់ ក្នុងមួយថ្នាក់សិស្សទទួលបានប័ណ្ណសសើរចំនួន៥នាក់ ចាប់ពីលេខ១ដល់លេខ៥ សរុប ចំនួន៣០នាក់ ដែលរៀនសូត្របានពូកែ។
លោក ម៉ិល សារ៉េត នាយកសាលា បានបញ្ជាក់ទៀតថា ដោយចែកប័ណ្ណសសើរ និងការដូមានដូចជា សៀវភៅ,ប៊ិច,ខ្មៅដៃ,ហើយក៏មានការបូបរៀនចំនួន៦ ជូនទៅដល់អ្នកលេខ១ ពីថ្នាក់ទី១ រហូតទៅដល់ថ្នាក់ទី៦ និងថវិកាមួយចំនួនពីសំណាក់សប្បុរសជន បានជួយឧបត្ថម្ភនិងលើកទឹកចិត្តដល់សិស្សមួយចំនួន មានចំណាត់ថ្នាក់ចាប់ពីលេខ១ ទៅដល់លេខ៥(ក្នុងមួយថ្នាក់)ដែលបានខំប្រឹងប្រែងរៀនសូត្រពីកន្លងមក។
ឪពុកម្ដាយសិស្សដែលបានមកមើលកូនទទួលបានប័ណ្ណសរសើរលើកទឹកចិត្តពីលោកគ្រូអ្នកគ្រូ មានការសប្បាយចិត្តជាពន់ពេក ហើយក៏ឲ្យកូនបន្តការខំប្រឹងប្រែងរៀនសូត្របន្ថែមទៀត ពោលនៃទំពាំងស្នងឬស្សី៕
