ចក្រភពអង់គ្លេស បារាំង និងអាល្លឺម៉ង់បានជូនដំណឹងជាផ្លូវការដល់អង្គការសហប្រជាជាតិដោយជំរុញឱ្យមានការសើរើឡើងវិញនូវទណ្ឌកម្មរបស់អង្គការសហប្រជាជាតិប្រឆាំងនឹងអ៊ីរ៉ង់ ដោយផ្តល់ពេលឱ្យទីក្រុងតេអេរ៉ង់ ៣០ ថ្ងៃដើម្បីធ្វើសម្បទានលើការបើកផ្លូវឲ្យក្រុមជំនាញ UN ចូលទៅកាន់ទីតាំងនុយក្លេអ៊ែររបស់ខ្លួន ឬក៏ត្រូវប្រឈមមុខនឹងភាពឯកោផ្នែកសេដ្ឋកិច្ចទូទាំងពិភពលោកកាន់តែស៊ីជម្រៅថែមទៀត។
មន្ត្រីចក្រភពអង់គ្លេសបាននិយាយថា ការសម្រេចចិត្តនេះមិនត្រូវបានគេគិតស្រាលៗនោះទេ ហើយមានអត្ថន័យជាការទូតខ្លាំងដើម្បីព្យាយាមបញ្ចៀសជំហាននេះ។ ក្រុមមន្ត្រីបានសង្កត់ធ្ងន់ថា វានៅតែមានកន្លែងសម្រាប់ការទូតចុងក្រោយ មុនពេលទណ្ឌកម្ម “snapback” ចូលជាធរមានក្នុងរយៈពេល ៣០ថ្ងៃ សម្រាប់អ៊ីរ៉ង់។
មន្ត្រីដដែលបន្តថា មហាសន្និបាតអង្គការសហប្រជាជាតិកម្រិតខ្ពស់ប្រចាំឆ្នាំនៅខែកញ្ញា ខាងមុខនេះទំនងជាមានពិភាក្សាលើទំនាក់ទំនងការទូតកាន់តែខ្លាំងលើស្ថានភាពជាមួយអ៊ីរ៉ង់។
មន្ត្រីនោះបានបន្ថែមថា អ៊ីរ៉ង់បានស្ថិតក្នុងការមិនគោរពតាមលក្ខខណ្ឌនៃកិច្ចព្រមព្រៀងនុយក្លេអ៊ែរឆ្នាំ ២០១៥ ចាប់តាំងពីឆ្នាំ ២០១៩ ដោយនិយាយថា ទីក្រុងតេអេរ៉ង់ត្រូវបានផ្តល់ឱកាសគ្រប់គ្រាន់ដើម្បីបំពេញតាម ប៉ុន្តែមិនមានឆន្ទៈ ឬមិនអាចធ្វើសកម្មភាពបាន។
ទីភ្នាក់ងារថាមពលអាតូមិកអន្តរជាតិ (IAEA) បានចាកចេញពីប្រទេសអ៊ីរ៉ង់ បន្ទាប់ពីអ៊ីស្រាអែលបានទម្លាក់គ្រាប់បែកលើទីតាំងនុយក្លេអ៊ែរសំខាន់ៗរបស់ខ្លួន ហើយមិនអាចធ្វើការចរចាឡើងវិញ ដើម្បីវាយតម្លៃស្ថានភាពនៃទីតាំងទាំងនោះ។ ទន្ទឹមនោះអ៊ីរ៉ង់បានអនុញ្ញាតឱ្យអធិការ IAEA ចូលមើលទីតាំង Bushehr ដែលជាកន្លែងចាក់ប្រេងត្រូវកើតឡើង។
យ៉ាងណា ការវិលត្រឡប់របស់អធិការកិច្ចនុយក្លេអ៊ែររបស់អង្គការសហប្រជាជាតិទៅកាន់ប្រទេសអ៊ីរ៉ង់បានជួបជាមួយនឹងការតវ៉ាដោយសមាជិកសភានៃប្រទេសនេះ៕
ដោយ៖ ពេជ្រ
