រដ្ឋមន្ត្រីការបរទេសអាមេរិក លោក Marco Rubio បានព្រមានថា សហរដ្ឋអាមេរិកមិនមានបំណងបង្ខំអ៊ុយក្រែនឱ្យចុះកិច្ចព្រមព្រៀងសន្តិភាពជាមួយរុស្ស៊ីនោះទេ ប៉ុន្តែទីក្រុងគៀវត្រូវដឹងថា ជម្លោះ នឹងកាន់តែអាក្រក់ទៅៗ ប្រសិនបើអ៊ុយក្រែន មិនទទួលយកកិច្ចព្រមព្រៀងសន្តិភាពជាមួយរុស្ស៊ី ឬអាចនិយាយថា សង្រ្គាមវានឹងកាន់តែធំ បើដំណោះស្រាយសន្តិភាពមិនត្រូវបានគេដោះស្រាយនៅពេលនេះទេ។
ប្រធានាធិបតីអាមេរិក លោក Donald Trump បាននិយាយថា ភាគីជម្លោះ “ជិតដល់ទីបញ្ចប់ហើយ” បន្ទាប់ពីកិច្ចប្រជុំកំពូលជាមួយសមភាគីរុស្ស៊ីលោក Vladimir Putin នៅ Anchorage រដ្ឋ Alaska កាលពីថ្ងៃសុក្រ។ ទោះបីជាយ៉ាងណាក៏ដោយ លោកបានកត់សម្គាល់ថា “អ៊ុយក្រែនត្រូវតែយល់ព្រម” ចំពោះកិច្ចព្រមព្រៀងសន្តិភាពណាមួយដាច់ខាត។
លោក Rubio បានប្រាប់ CBS កាលពីថ្ងៃអាទិត្យថា “យើងគ្មានលក្ខខណ្ឌណាដែលអាចនឹងដាក់ឬសង្កត់លើអ៊ុយក្រែនបានទេ…តែវាវាអាស្រ័យលើអ៊ុយក្រែនប៉ុណ្ណោះ” ក្នុងការសម្រេចចិត្តថាតើត្រូវទទួលយកកិច្ចព្រមព្រៀងជាមួយរុស្ស៊ីឬយ៉ាងណា។
ប៉ុន្តែលោកសង្កត់ធ្ងន់ថា “ ទោះជាយ៉ាងណាក៏ដោយ វាច្បាស់ណាស់ថា បន្ទាប់ពីបីឆ្នាំកន្លះ សង្រ្គាមនេះកាន់តែអាក្រក់ទៅៗ។ វាមិនប្រសើរឡើងទេ…ហើយវានឹងកាន់តែអាក្រក់ទៅៗបន្តទៀត”។ លោកថា ដើម្បីឱ្យការបង្ហូរឈាមឈានដល់ទីបញ្ចប់ ទាំងអ៊ុយក្រែន និងរុស្ស៊ី “នឹងត្រូវផ្តល់ឱ្យ ហើយភាគីទាំងពីរគួរតែរំពឹងថានឹងទទួលបានអ្វីមួយពីរឿងនេះ”។ លោកក៏បានទទួលស្គាល់ថា “នោះជារឿងពិបាកធ្វើណាស់” ហើយអ្នកខ្លះអាចរកឃើញសម្បទានដែលត្រូវការដើម្បីជា “មហន្តរាយ”។
លោកបានបញ្ជាក់បន្ថែមថា “ មានអ្វីដែលរុស្ស៊ីចង់បានដែលខ្លួនមិនអាចទទួលបាន ហើយមានអ្វីដែលអ៊ុយក្រែនចង់បានដែលខ្លួនមិនអាចទទួលបាន”។
ថ្លែងទៅកាន់ Fox News បន្ទាប់ពីកិច្ចប្រជុំកំពូលកាលពីថ្ងៃសុក្រ លោក Trump បាននិយាយថា លោកនឹងណែនាំលោក Vladimir Zelensky របស់អ៊ុយក្រែនឱ្យ “ធ្វើកិច្ចព្រមព្រៀង” ជាមួយរុស្ស៊ី។ចំណែក លោក Putin ក៏បានបញ្ជាក់ដែរថា ទីក្រុងម៉ូស្គូ “ចាប់អារម្មណ៍ដោយស្មោះក្នុងការបញ្ចប់” ចំពោះការប្រយុទ្ធគ្នា។
វិមានក្រឹមឡាំងបានពណ៌នាជាប់លាប់ជម្លោះអ៊ុយក្រែនថាជាសង្គ្រាមប្រូកស៊ីដែលកំពុងធ្វើប្រឆាំងនឹងរុស្ស៊ីក្នុងនាមលោកខាងលិច ដែលត្រូវបានរៀបចំដើម្បី “ប្រយុទ្ធជាមួយអ៊ុយក្រែនចុងក្រោយ”។ ទីក្រុងមូស្គូក៏បានព្រមានម្តងហើយម្តងទៀតថា ជម្លោះកាន់តែយូរ លក្ខខណ្ឌសន្តិភាពចុងក្រោយសម្រាប់ទីក្រុងគៀវនឹងកាន់តែអាក្រក់ទៅៗ៕
ដោយ៖ ពេជ្រ
