មុនប៉ះក្រុមជម្រើសជាតិទ្បាវល្ងានេះ គ្រូបង្វឹកក្រុមជម្រើសជាតិក្រោមអាយុ២៣ឆ្នាំកម្ពុជា លោក Koji Gyotoku បានចាត់ទុកការប្រកួត ASEAN U-23 Mandiri Cup™ 2025 នឹងក្លាយជាមូលដ្ឋានគ្រឹះដ៏ល្អសម្រាប់កីឡាករវ័យក្មេង មានភាពចាស់ទុំ ត្រៀមសម្រាប់ការប្រកួតធំៗបន្ទាប់ ដូចជាការប្រកួតជម្រុះអាស៊ី U23 និងស៊ីហ្គេម។ លោកបន្តទៀតថា ទាំងក្រុមជម្រើសជាតិ និង U23 កម្ពុជា កំពុងប្រើប្រាស់កីឡាករក្មេងៗជាច្រើន ដើម្បីតម្រង់ទិសការអភិវឌ្ឍប្រកបដោយចីរភាព។
សូមជម្រាបថា ក្រុមជម្រើសជាតិកម្ពុជាក្រោមអាយុ២៣ឆ្នាំ ត្រូវប្រកួតបើកឆាកក្នុងពូល B ជាមួយក្រុម U23ឡាវ នៅម៉ោង៥៖០០នាទីល្ងាចនេះ ក្នុងការប្រកួតពានរង្វាន់ Asean U23 Mandiri Cup 2025 ដែលប្រទេសឥណ្ឌូណេស៊ី ធ្វើជាម្ចាស់ផ្ទះ៕
