ក្លិបបាល់ទាត់ ព្រះខ័នរាជស្វាយរៀង ត្រូវប្រកួតមិត្តភាពកម្តៅសាច់ដុំជាមួយក្រុម Terengganu FC នៅប្រទសម៉ាឡេស៊ី វេលាម៉ោង ៤ រសៀលនេះ ម៉ោងនៅកម្ពុជា នៅថ្ងៃទី១៥ ខែកក្កដា ឆ្នាំ២០២៥ ខណៈវាជាការប្រកួតមិត្តភាពអន្តរជាតិលើកដំបូងរបស់ស្វាយរៀង ក្រោមការដឹកនាំរបស់លោក Mattew McConkey ផងដែរ និងពុំមានការផ្សាយបន្តផ្ទាល់ឡើយ។
សូមជម្រាបថា ក្រុមទាំងពីរធ្លាប់បានជួបគ្នាម្តងក្នុងពានរង្វាន់ AFC Challenge League កាលពីរដូវកាលមុននៅទឹកដីម៉ាឡេស៊ី ដោយក្លិបកម្ពុជាទទួលបានជ័យជម្នះដោយលទ្ធផល ៤-៣។ ចំណែកការប្រកួតបន្ទាប់ស្វាយរៀង ត្រូវប៉ះក្រុម Negeri Sembilan FC នៅថ្ងៃទី១៨ ខែកក្កដា ឆ្នាំ២០២៥៕
