កាលពីម្សិលមិញកីឡាករ Nick Taylor បានបង្ហោះសារលើ Facebook ផ្ទាលខ្លួនដោយបានប្រាប់ពីមូលហេតុដែលរូបគេចាកចេញពីក្លឹបព្រះខ័នរាជស្វាយរៀង ក្រោយចប់រដូវកាលនេះយ៉ាងដូច្នេះថា “សម្រាប់ការសម្រេចចិត្តចាកចេញពីក្លឹបព្រះខ័នរាជស្វាយរៀងគឺមិនមែនជារឿងងាយស្រួលនោះទេ បន្ទាប់ពីខ្ញុំនៅជាមួយក្លឹបព្រះខ័នរាជស្វាយរៀង អស់រយៈពេល២ រដូវកាលកន្លងមកនេះ ប៉ុន្តែខ្ញុំគិតថាត្រូវដល់ពេលហើយ ក្នុងនាមខ្ញុំជាកីឡាករបាល់ទាត់អាជីពម្នាក់ គឺមានមហិច្ឆតាខ្ពស់និងស្វែងរកក្ដីស្រមៃ ដើម្បីឆ្ពោះទៅកាន់កីឡាករមួយដែលល្អបំផុត ហើយខ្ញុំនឹងព្យាយាមឱ្យអស់សមត្ថភាព ខ្ញុំជឿជាក់ថាខ្ញុំអាចធ្វើវាបាន ហើយទោះបីជាខ្ញុំទៅដល់ទីកន្លែងណាក៏ខ្ញុំនៅតែពាក់អាវក្លឹបព្រះខ័នរាជស្វាយរៀង និងគាំទ្រក្រុមជានិច្ច”។ ជាចុងក្រោយខ្ញុំចង់ថ្លែងអំណរគុណយ៉ាងជ្រាលជ្រៅចំពោះក្លិប និងមិត្តរួមក្រុមទាំងអស់ សម្រាប់ការរួមរស់ជាមួយរយៈពេល២ឆ្នាំកន្លងមកនេះ៕
