ក្រសួងសុខាភិបាលហ្គាហ្សា បានឲ្យដឹងថា ឧបករណ៍វេជ្ជសាស្រ្ដសម្រាប់មន្ទីរពេទ្យ និងមជ្ឈមណ្ឌលផ្ដល់ឈាម នៅតំបន់ហ្គាហ្សាស្ទ្រីបជិត ៦០ ភាគរយ រងការបំផ្លាញក្នុងការវាយប្រហាររបស់អ៊ីស្រាអែល។
យោងតាមក្រសួងដដែល បានបញ្ជាក់ថា បច្ចុប្បន្នហ្គាហ្សា សល់តែ ៤០ ភាគរយប៉ុណ្ណោះ នៃឧបករណ៍វេជ្ជសាស្រ្ត ដែលកំពុងដំណើរការ។
បច្ចុប្បន្នមន្ទីរពេទ្យនៅហ្គាហ្សា ដែលនៅអាចដំណើរការ គឺទទួលនូវបន្ទុកដ៏ធ្ងន់ គ្មានសម្ភារៈគ្រប់គ្រាន់ ដោយសារការបំផ្លិចបំផ្លាញដោយចេតនារបស់កងកម្លាំងអ៊ីស្រាអែល។
គួរបញ្ជាក់ថា កាលពីថ្ងៃទី ១៨ ខែមីនា អ៊ីស្រាអែល បានបន្តរលកវាយលុកកាន់តែខ្លាំងលើតំបន់ហ្គាហ្សាស្ទ្រីប ដោយអះអាងថាកម្ចាត់ក្រុមសកម្មប្រយុទ្ធហាម៉ាស់៕
ដោយ៖ ពេជ្រ
