ប្រព័ន្ធផ្សព្វផ្សាយក្នុងស្រុក បានរាយការណ៍ពីការផ្ទុះមួយកើតឡើងនៅការដ្ឋានសំណង់មួយកន្លែងក្នុងសង្កាត់ Edogawa ទីក្រុងតូក្យូ កាលពីព្រឹកថ្ងៃអង្គារ ដែលបណ្តាលឲ្យមនុស្ស ៨ នាក់រងរបួស។
យោងតាមនាយកដ្ឋានពន្លត់អគ្គីភ័យក្រុងតូក្យូ បានឲ្យដឹងថា មានសំឡេងផ្ទុះ នៅម៉ោងប្រហែល ៩ និង ៣០នាទីព្រឹក (ព្រឹកម៉ោងក្នុងស្រុក) ចេញពីការដ្ឋានសំណង់កើតហេតុ។
មនុស្សសរុប ៨ នាក់ រួមទាំងកម្មករសំណង់ និងអ្នករស់នៅក្បែរនោះ បានរងរបួស។ បើតាមសេចក្តីរាយការណ៍ មិនមានអ្នករងរបួសធ្ងន់ធ្ងរនោះទេ ។
នាយកដ្ឋានប៉ូលីសទីក្រុងតូក្យូ បានបញ្ជាក់ថា ការងារសាងសង់កំពុងដំណើរការដើម្បីចាក់គ្រឹះសម្រាប់អគារខុនដូថ្មីនៅកន្លែងនោះ ខណក្រោយកើតហេតុគេរកឃើញមានបំពង់ឧស្ម័នរងការខូចខាត។
ទោះជាយ៉ាងណា អាជ្ញាធរ កំពុងបន្តស្រាវជ្រាវរកមូលហេតុ និងព័ត៌មានលម្អិតនៃហេតុការណ៍នេះបន្ថែមទៀត៕
ដោយ៖ ពេជ្រ
