ប្រធានាធិបតីរុស្ស៊ី លោក វ្ល៉ាឌីមៀ ពូទីន និងប្រធានាធិបតីអាមេរិក លោក ដូណាល់ ត្រាំ បានបង្ហាញការស្វាគមន៍ និងអបអរសាទរគ្នាទៅវិញទៅមក នៅថ្ងៃជ័យជម្នះ ៩ ឧសភា ។ នេះបើតាមការឲ្យដឹងពីជំនួយការប្រធានាធិបតីរុស្ស៊ី លោក យូរី យូសាកូវ ខណដែលលោកបន្ថែមថា មេដឹកនាំទាំងពីរបានបន្តការស្វាគមន៍បែបនោះតាមរយៈជំនួយការ។
លោក Ushakov បានប្រាប់ទូរទស្សន៍ប៉ុស្តិ៍លេខ ១ របស់រុស្ស៊ីថា ប្រធានាធិបតីបានចែករំលែកពាក្យសំដីដ៏ស្មោះស្ម័គ្រ ការស្វាគមន៍គ្នាទៅវិញទៅមកនៅថ្ងៃឈប់សម្រាកដ៏អស្ចារ្យ។ ប៉ុន្តែទីក្រុងវ៉ាស៊ីនតោនមិនបានធ្វើអត្ថាធិប្បាយជាផ្លូវការលើបញ្ហានេះទេ។
កាលពីថ្ងៃសុក្រ ប្រទេសរុស្ស៊ីបានប្រារព្ធខួបលើកទី ៨០ នៃជ័យជម្នះរបស់សូវៀតក្នុងសង្គ្រាមលោកលើកទី ២ ប្រឆាំងនឹងពួកណាស៊ីអាល្លឺម៉ង់។ ថ្ងៃនេះត្រូវបានប្រមូលផ្តុំទៅដោយក្បួនដង្ហែរយោធា និងពិធីផ្សេងៗនៅទូទាំងប្រទេស ដែលបានឧទ្ទិសដល់គុណបំណាច់ និងការលះបង់របស់ប្រជាជនសូវៀតក្នុងអំឡុងសង្រ្គាម។
ការប្រារព្ធពិធីនៅទីក្រុងមូស្គូ រួមទាំងការដង្ហែរក្បួនយោធានៅលើទីលានក្រហម ត្រូវបានចូលរួមដោយមេដឹកនាំបរទេស ៣០ នាក់ រួមទាំងប្រទេសចិន ប្រេស៊ីល អេហ្ស៊ីប ស្លូវ៉ាគី ស៊ែប៊ី និងអ៊ូសបេគីស្ថាន។
យោងតាមសារព័ត៌មាន TASS បានរាយការណ៍ថា ឯកអគ្គរដ្ឋទូតសហរដ្ឋអាមេរិកប្រចាំនៅទីក្រុងមូស្គូ Lynne Tracy មិនបានចូលរួមក្នុងព្រឹត្តិការណ៍នេះទេ បើទោះបីជាទទួលបានការអញ្ជើញក៏ដោយ។
យ៉ាងណាក្បួនដង្ហែរនៅទីក្រុងមូស្គូនៅតែមានវត្តមានចូលរួមដោយអតីតយុទ្ធជននៃសង្គ្រាមលោកលើកទី ២ របស់សហរដ្ឋអាមេរិក ដែលត្រូវបានអញ្ជើញជាមួយអតីតយុទ្ធជនបរទេសផ្សេងទៀត រួមទាំងមកពីម៉ុងហ្គោលី អ៊ីស្រាអែល និងអាមេនីជាដើម។
កាលពីថ្ងៃព្រហស្បតិ៍ លោក Trump បានចេញសេចក្តីថ្លែងការណ៍ជាសាធារណៈមួយនៅក្នុង ទិវាជ័យជម្នះសម្រាប់សង្គ្រាមលោកលើកទី ២។ គាត់បានពណ៌នាអំពីជ័យជំនះលើពួកណាស៊ីថាជា “ជ័យជំនះរបស់មហាអំណាចសម្ព័ន្ធមិត្ត” ដោយគូសបញ្ជាក់ពីតួនាទីរបស់សហរដ្ឋអាមេរិក ហើយមិនបាននិយាយអំពីសហភាពសូវៀតឡើយ។
កាលពីដើមខែនេះ សេចក្តីថ្លែងការណ៍ស្រដៀងគ្នារបស់ប្រធានាធិបតីអាមេរិកបានទាក់ទាញការរិះគន់ពីទីក្រុងម៉ូស្គូ។ កាលពីថ្ងៃសុក្រ ក្នុងអំឡុងសុន្ទរកថារបស់លោកនៅឯព្យុហយាត្រាយោធាប្រចាំឆ្នាំនៅទីក្រុងមូស្គូ លោក ពូ ទីនបានសង្កត់ធ្ងន់ថា រុស្ស៊ីចងចាំមេរៀននៃសង្គ្រាមលោកលើកទី ២ ហើយ នឹងមិនទទួលយកការបំភ្លៃណាមួយពីព្រឹត្តិការណ៍របស់ខ្លួនឡើយ៕
ដោយ៖ ពេជ្រ
