កូនប្រុសរបស់កំពូលខ្សែប្រយុទ្ធ Cristiano Ronaldo កីឡាករ Ronaldo Jr ត្រូវបានកោះហៅចូលក្រុមបាល់ទាត់អាយុក្រោម ១៥ឆ្នាំ ក្រុមជម្រើសជាតិព័រទុយហ្កាល់លើកដំបូង ដើម្បីការប្រកួតពានយុវជនអន្តរជាតិមួយនៅប្រទេសក្រូអាតដែលនឹងប្រព្រឹត្តទៅចាប់ពីថ្ងៃទី ១៣ ដល់ថ្ងៃទី ១៨ ខែឧសភា។
ខ្សែប្រយុទ្ធវ័យ ១៤ ឆ្នាំរូបនេះ បច្ចុប្បន្នកំពុងលេងនៅសាលាយុវជន Al Nassr នៅប្រទេសអារ៉ាប៊ីសាអូឌីត ជាកន្លែងដែលឪពុករបស់គេលេងនៅលីគ Saudi Pro League ត្រូវបានកោះហៅដោយគ្រូបង្វឹកព័រទុយហ្កាល់លោក Joao Santos សម្រាប់ពានអន្តរជាងខាងលើ។
ព័រទុយហ្គាល់ត្រូវជួបជប៉ុន (ថ្ងៃទី ១៣ ឧសភា) ក្រិក (ថ្ងៃទី ១៤) និងអង់គ្លេស (ថ្ងៃទី ១៦) មុនពេលប្រកួតចុងក្រោយនៅថ្ងៃទី ១៨ ឧសភា។
យ៉ាងណាមិញក្រោយកូនប្រុសត្រូវបានកោះហៅចូលក្រុមជម្រើសជាតិ Ronaldo បានអបអរថ្ងៃដ៏សំខាន់របស់កូនប្រុសមួយនឹងការបង្ហោះនៅលើ Instagram ដោយសរសេរថា “មានមោទនភាពចំពោះកូនប្រុសរបស់ខ្ញុំ!”៕
