បទឈប់បាញ់រយៈពេល ៣ ថ្ងៃក្នុងប្រទេសអ៊ុយក្រែនដែលត្រូវបានដាក់ដោយប្រធានាធិបតីរុស្ស៊ីលោកវ្ល៉ាឌីមៀ ពូទីន បានចាប់ផ្តើមនៅថ្ងៃព្រហស្បតិ៍ ម៉ោងក្នុងតំបន់។ ប៉ុន្តែប្រធានាធិបតីអ៊ុយក្រែនលោក Volodymyr Zelenskyy បាននិយាយថា ប្រទេសរបស់លោកចង់ឃើញបទឈប់បាញ់រយៈពេល ៣០ ថ្ងៃ ហើយភាគីទាំងពីរនៅតែបន្តការបាញ់ប្រហារគ្នារហូតដល់នាទីចុងក្រោយ។
មន្ត្រីកងទ័ពអាកាសអ៊ុយក្រែនបាននិយាយថា រុស្ស៊ីបានបាញ់បង្ហោះមីស៊ីលផ្លោងចំនួន ៥ គ្រាប់ និងយន្តហោះគ្មានមនុស្សបើកជាង ១៨០ គ្រឿងនៅទូទាំងប្រទេសចាប់ពីថ្ងៃអង្គារដល់ថ្ងៃពុធ។ អាជ្ញាធរបាននិយាយថា មនុស្សពីរនាក់បានស្លាប់នៅក្នុងទីក្រុង Kyiv ហើយមនុស្ស ៨ នាក់ រួមទាំងកុមារ ៤ នាក់បានរងរបួស។
អ្នកស្រុកនៅក្នុងទីក្រុងបានពិពណ៌នា ឬហៅជនជាតិរុស្ស៊ីថាជា“អមនុស្ស” ហើយបាននិយាយថាពួកគេមិនរំពឹងថានឹងមានបទឈប់បាញ់នោះទេ ខណ”ពូទីនមិនអាចជឿទុកចិត្តបាន”នោះទ្បើយ។
លោក Zelenskyy បានសរសេរនៅលើប្រព័ន្ធផ្សព្វផ្សាយសង្គមថាវិធានការណាមួយដែលត្រូវតែកម្ចាត់អ្នកឈ្លានពានបង្កសង្រ្គាមត្រូវតែត្រូវបានអនុវត្តដើម្បីនាំមកនូវសន្តិភាពយូរអង្វែង។
មន្ត្រីការពារជាតិរុស្ស៊ីបានអះអាងថា កម្លាំងរបស់ពួកគេក៏បានរងការវាយប្រហារដូចគ្នាដែរ។ ពួកគេបាននិយាយថា ពួកគេបានបាញ់ទម្លាក់យន្តហោះគ្មានមនុស្សបើករបស់អ៊ុយក្រែនជាង ៥០០ គ្រឿង និងកាំជ្រួចប្រឆាំងនាវាចំនួន ៥ គ្រឿង។
បទឈប់បាញ់រយៈពេលខ្លីនេះត្រូវគ្នានឹងខួបលើកទី ៨០ នៃការបញ្ចប់សង្គ្រាមលោកលើកទីពីរនៅអឺរ៉ុប។ មេដឹកនាំបរទេស រួមទាំងប្រធានាធិបតីចិន លោក Xi Jinping នឹងចូលរួមក្បួនដង្ហែទិវាជ័យជំនះនៅទីក្រុងម៉ូស្គូ។
លោក ពូទីន នឹងជួបជាមួយលោក ស៊ី នៅថ្ងៃព្រហស្បតិ៍។ ពួកគេត្រូវបានគេរំពឹងថានឹងពិភាក្សាអំពីអ៊ុយក្រែន និងបញ្ជាក់ពីកិច្ចសហប្រតិបត្តិការរបស់ពួកគេ ខណៈដែលរដ្ឋបាល Trump បានធ្វើឱ្យប៉ះពាល់ដល់ទិដ្ឋភាពពិភពលោក៕
ដោយ៖ ពេជ្រ
