ឥណ្ឌាប្រកាសថា ខ្លួនបានបើកការវាយប្រហារយោធាលើទីតាំងចំនួន ៩ នៅប៉ាគីស្ថាន និងតំបន់កាស្មៀរគ្រប់គ្រងដោយប៉ាគីស្ថាន។
ក្រសួងការពារជាតិឥណ្ឌាបាននិយាយកាលពីថ្ងៃពុធថា ការវាយប្រហារបានផ្តោតលើអ្វីដែលខ្លួនហៅថា ហេដ្ឋារចនាសម្ព័ន្ធភេរវករ ពីកន្លែងឬប្រភពបញ្ជាការវាយប្រហារភេរវកម្មប្រឆាំងនឹងឥណ្ឌា។
អ្នកនាំពាក្យយោធាប៉ាគីស្ថានបានប្រាប់ប្រព័ន្ធផ្សព្វផ្សាយក្នុងស្រុកថា ឥណ្ឌាបានបើកការវាយប្រហារដោយមីស៊ីលទៅលើទីតាំងចំនួនបីក្នុងប្រទេសប៉ាគីស្ថាន។
ភាពតានតឹងបាននិងកំពុងកើនឡើងរវាងប្រទេសជិតខាងទាំងពីរចាប់តាំងពីការវាយប្រហារភេរវកម្មនៅតំបន់កាស្មៀរដែលគ្រប់គ្រងដោយឥណ្ឌាបានបណ្តាលឱ្យមនុស្ស ២៦ នាក់បានស្លាប់កាលពីខែមុន។ ជនរងគ្រោះភាគច្រើនជាភ្ញៀវទេសចរ។ ឥណ្ឌាបានចោទប៉ាគីស្ថានថាបានដើរតួនាទីក្នុងការវាយប្រហារនេះ ហើយបានបង្ហាញពីការសងសឹក។ ប៉ុន្តែប៉ាគីស្ថានបានបដិសេធយ៉ាងដាច់អហង្ការចំពោះការអះអាងនេះ៕
ដោយ៖ ពេជ្រ
