អនុប្រធានាធិបតីសហរដ្ឋអាមេរិក J.D. Vance បានប្រៀបធៀបការប្រព្រឹត្តរបស់រដ្ឋាភិបាលអាល្លឺម៉ង់ចំពោះគណបក្សស្តាំនិយមជ្រុល (AfD) ទៅនឹងដំណើរឆ្ពោះទៅការកសាងជញ្ជាំងទីក្រុងប៊ែរឡាំងឡើងវិញ។
ទីភ្នាក់ងារស៊ើបការណ៍សម្ងាត់ក្នុងស្រុករបស់អាល្លឺម៉ង់ BfV នៅថ្ងៃសុក្រនេះបានចាត់ថ្នាក់គណបក្ស AfD ប្រឆាំងអន្តោប្រវេសន៍ថាជាអង្គការ “ជ្រុលនិយម” ដោយលើកឡើងពី “សេចក្តីថ្លែងការណ៍របស់គណបក្សនេះទាក់ទងការរើសអើងពូជសាសន៍ ប្រឆាំងជនជាតិភាគតិច អ៊ីស្លាមដោយបង្ហាញពីការស្អប់ខ្ពើម និងប្រឆាំងនឹងមូស្លីម។ ស្លាកស្នាមនេះអាចឲ្យបង្កឱកាសដល់ប៉ូលិសមានលេសតាមដានសកម្មភាពរបស់គណបក្សបានយ៉ាងដិតដល់។
AfD គឺជាគណបក្សដ៏ពេញនិយមបំផុតនៅក្នុងប្រទេសអាល្លឺម៉ង់ ហើយរហូតមកដល់ពេលនេះ តំណាងភាគច្រើននៃប្រទេសអាល្លឺម៉ង់ខាងកើត។ ប៉ុន្តែឥឡូវនេះក្រុមមន្ត្រីការិយាល័យព្យាយាមបំផ្លាញគណបក្សនេះ។ នេះបើយោងតាមលោក Vance ដែលបានសរសេរនៅលើ X។ លោកបានបន្ថែមថាលោកខាងលិចបានបំផ្លាញជញ្ជាំងប៊ែរឡាំង ហើយវាត្រូវបានសាងសង់ឡើងវិញ តែមិនមែនដោយសូវៀត ឬរុស្ស៊ីទេ គឺដោយអាល្លឺម៉ង់ខ្លួនឯង។
លោក Alice Weidel សហប្រធានគណបក្សបានចោទរដ្ឋាភិបាលថាបានព្យាយាមបង្ក្រាបការប្រឆាំង។ លោកបានសរសេរនៅលើ X ថា ចាប់តាំងពី AfD ដែលជាគណបក្សខ្លាំងបំផុតក្នុងការស្ទង់មតិនៅពេលនេះ ពួកគេចង់គាបសង្កត់គណបក្សប្រឆាំង និងសេរីភាពនៃការបញ្ចេញមតិ។
សូមជម្រាបថា AfD ត្រូវបានបង្កើតឡើងក្នុងឆ្នាំ ២០១៣ ខណដែលប្រតិកម្មតបទៅនឹងការដោះស្រាយវិបត្តិបំណុលតំបន់ចាយប្រាក់អឺរ៉ូរបស់ប្រទេសអាល្លឺម៉ង់។ ចាប់តាំងពីពេលនោះមក វាបានផ្លាស់ប្តូរការផ្តោតទៅលើការទាមទារឱ្យកាន់តែតឹងតែងច្បាប់អន្តោប្រវេសន៍ និងសិទ្ធិជ្រកកោន និងការប្រឆាំងនឹងរបៀបវារៈដ៏ភ្ញាក់ផ្អើល។ គណបក្សនេះក៏រិះគន់អង្គការអូតង់ និងបានធ្វើបាតុកម្មប្រឆាំងការបញ្ជូនអាវុធទៅអ៊ុយក្រែនថែមទៀត៕
ដោយ៖ ពេជ្រ
