អង្គការសហប្រជាជាតិ កំពុងពិចារណាលើការរៀបចំរចនាសម្ព័ន្ធឡើងវិញជាមួយនឹងការច្របាច់បញ្ចូលគ្នានៃក្រុមសំខាន់ៗ និងការចាត់ចែងធនធានឡើងវិញ ដោយលើកឡើងពីអនុស្សរណៈសម្ងាត់ដែលរៀបចំដោយក្រុមការងាររបស់អគ្គលេខាធិការអង្គការសហប្រជាជាតិលោក Antonio Guterres ។ ទីភ្នាក់ងារព័ត៌មាន Reuters បានរាយការណ៍ថា
យោងតាម Reuters បានរាយការណ៍ថា ការរៀបចំនេះស្នើឱ្យមានការបង្រួបបង្រួមទីភ្នាក់ងាររាប់សិបនៅក្នុងទិសដៅសំខាន់ៗចំនួនបួន៖ សន្តិភាព និងសន្តិសុខ បញ្ហាមនុស្សធម៌ ការអភិវឌ្ឍន៍ប្រកបដោយចីរភាព និងសិទ្ធិមនុស្ស។ ក្នុងចំណោមវិធានការជាក់លាក់នោះគឺការរួមបញ្ចូលគ្នានៃភ្នាក់ងារប្រតិបត្តិការរបស់កម្មវិធីស្បៀងអាហារពិភពលោក យូនីសេហ្វ WHO និង UNHCR ក្នុងទីភ្នាក់ងារមនុស្សធម៌តែមួយ។
របាយការណ៍ដដែល បន្ថែមថា កំណែទម្រង់នេះក៏ផ្តល់នូវការកាត់បន្ថយមុខងារស្ទួន និងការសម្រួលបុគ្គលិក រួមទាំងការផ្ទេរបុគ្គលិកមួយផ្នែកពីទីក្រុងហ្សឺណែវ និងញូវយ៉ក ទៅកាន់ទីក្រុងដែលមានការចំណាយតិច។
គួរបញ្ជាក់ថា គំនិតផ្តួចផ្តើមនេះ ត្រូវបានផ្សារភ្ជាប់ជាមួយនឹងវិបត្តិហិរញ្ញវត្ថុនៅក្នុងអង្គការសហប្រជាជាតិ។ សំណើរៀបចំរចនាសម្ព័ន្ធចុងក្រោយនឹងត្រូវបង្ហាញនៅថ្ងៃទី ១៦ ខែឧសភា ៕
ដោយ៖ ពេជ្រ
