អណ្ដាតភ្លើងសម្រាប់ព្រឹត្តិការណ៍កីឡាអាស៊ីរដូវរងា លើកទី៩ ត្រូវបានអុជកាលពីថ្ងៃចន្ទ ទី២០ ខែមករា ឆ្នាំ២០២៥ នៅឯរមណីយដ្ឋាន Sun Island នាក្រុង Habin ខេត្ត Heilongjiang ដែលជាការចាប់ផ្ដើមរាប់ថយក្រោយរយៈពេល ១៨ថ្ងៃ។
ពិធីនេះមានបេសកជន ៩រូប ដែលដើរជាក្បួនបានអុជអណ្តាតភ្លើងដោយជោគជ័យនៅមុខ Sun Stone ដែលជាទីតាំងសំខាន់។ គប់ភ្លើងនៃព្រឹត្តិការណ៍នេះ ត្រូវបានរចនាឡើងជារាងផ្កាលីឡាមានកម្ពស់ ៧៣៥ មីលីម៉ែត្រ មានអង្កត់ផ្ចិតមកុដ ១១៥មីលីម៉ែត្រ និងអង្កត់ផ្ចិតក្តាប់ ៥០មីលីម៉ែត្រ។ មានរួមបញ្ចូលពណ៌របស់ចិន ក្រហម ស្វាយលីឡា និងពណ៌សព្រិល។
សូមជម្រាបថា ព្រឹត្តិការណ៍កីឡាអាស៊ីរដូវរងា ឆ្នាំ២០២៥ មានកីឡា ១១ប្រភេទ ក្នុងនោះចែកចេញជា ៦៤ វិញ្ញាសា ដែលប្រព្រឹត្តទៅនៅលើទីលានកីឡាទឹកកកចំនួន ៥ នៅកណ្តាលទីក្រុង Harbin និងទីតាំងចំនួន ៨ផ្សេងទៀត នាទីក្រុង Yabuli៕
