ប៉ូលីសនៅទីក្រុង Los Angeles បានឲ្យដឹងថា ពួកគេបានបង្កើតក្រុមការងារដើម្បីស្វែងរក និងជួយសង្គ្រោះពិសេសសម្រាប់អ្នកដែលបានបាត់ខ្លួននៅក្នុងភ្លើងឆេះព្រៃនៅរដ្ឋកាលីហ្វ័រញ៉ា។
ប៉ូលិសបានប្រកាសកាលពីថ្ងៃសៅរ៍ដោយបញ្ជាឲ្យមានការជម្លៀស អ្នកស្រុកជាង ៣០០.០០០នាក់។ ប៉ូលីសក៏បានឲ្យដឹងដែរថា ពួកគេបានទទួលរបាយការណ៍អំពីមនុស្សដែលមិនទាន់មានគណនីច្បាស់លាស់ ដែលអាចនិយាយថាបាត់ខ្លួន។
អគ្គីភ័យដែលបានចាប់ផ្តើមនៅក្នុងសង្កាត់ប៉ាស៊ីហ្វិក Palisades កាលពីថ្ងៃអង្គារសប្តាហ៍មុនបានរីករាលដាលយ៉ាងឆាប់រហ័ស បង្កដោយខ្យល់បក់និងឆាបឆេះកាន់តែខ្លាំងទ្បើងៗ។ ភ្លើងឆេះព្រៃក៏បានផ្ទុះឡើងនៅតំបន់ផ្សេងទៀត រួមទាំងភាគឦសានទីក្រុង Los Angeles ផងដែរ ។ បទបញ្ជាឲ្យមានការជម្លៀសជាកាតព្វកិច្ចថ្មីត្រូវបានដាក់ចេញសម្រាប់តំបន់នានារួមទាំងមជ្ឈមណ្ឌល Getty ដែលជាទីតាំងរបស់សារមន្ទីរដ៏ល្បីមួយរបស់ពិភពលោកផងដែរ។ ប្រជាពលរដ្ឋជាច្រើនបានជម្លៀសចេញតាមរថយន្ត បង្កឲ្យមានការកកស្ទះចរាចរណ៍យ៉ាងខ្លាំង។
ភ្លើងឆេះព្រៃបានឆាបឆេះមានទំហំជាង១៦០គីឡូម៉ែត្រក្រឡា។ មានមនុស្សស្លាប់ចំនួន ១៦ នាក់ត្រូវបានរាយការណ៍ ខណៈដែលសំណង់ជាង ១០,០០០ ត្រូវបានគេដឹងថាត្រូវបានរងការខូចខាតទាំងស្រុង។ អាជ្ញាធរក្នុងតំបន់កាលពីថ្ងៃសុក្របានប្រកាសអាសន្នផ្នែកសុខភាពសាធារណៈ ខណៈដែលភ្លើងបានធ្វើឱ្យខូចគុណភាពខ្យល់ ដោយការបញ្ចេញផ្សែងដ៏គ្រោះថ្នាក់ និងកម្ទេចល្អិត។
ក្រុមអ្នកពន្លត់អគ្គិភ័យកំពុងចាប់ផ្តើមទប់ស្កាត់ភ្លើងជាច្រើន ខណៈដែលខ្យល់បក់ដែលបង្កឱ្យភ្លើងបានរលត់ទៅវិញ។ អាជ្ញាធរនៅតែអំពាវនាវឲ្យប្រជាពលរដ្ឋបន្តប្រុងប្រយ័ត្ន ដោយព្រមានថា ខ្យល់អាចនឹងមានកម្លាំងខ្លាំងឡើងវិញ៕
ដោយ៖ ពេជ្រ
