គ្រូបង្វឹកក្រុមនារីកម្ពុជាលោក ឃួន ឡាបូរ៉ាវី បានលើកឡើងថា លោកចង់អោយកម្ពុជា បង្កើត Philosophy ច្បាស់លាស់មួយសំរាប់ក្រុមជម្រើសជាតិ ។ លោកថាយើងមើលក្រុមធំៗ ឬក្រុមនៅក្នុងតំបន់ ឧទាហរណ៍ ថៃ ទោះជាគ្រូណាមក ក៏គេលេងបាល់មួយៗច្បាស់ ចំណែក វៀតណាម ក៏ដូចគ្នា គឺគេមាន Philosophy មួយច្បាស់លាស់គឺ លេងលឿនៗ។
លោកបន្តថា ការបង្កើត Philosophy ឬ ទស្សនវិជ្ជាបាល់ទាត់មួយច្បាស់លាស់សំរាប់ក្រុមជម្រើសជាតិ គឺសំខាន់បំផុត ព្រោះយើងងាយស្រួលផលិតកីឡាករពីក្មេងមក ថាតើត្រូវពត់ពីក្មេងយ៉ាងម៉េច ដល់ពេលធំឡើងមក គឺយើងសំបូរកីឡាករដែលលេងត្រូវជាមួយ Philosophy តែម្តង។ ការជ្រើសរើស Philosophy សំខាន់បំផុតគឺយើងត្រូវដឹងថា កីឡាករយើងខ្លាំងរបៀបណា ហើយរើសយករបៀបលេងមួយជាក់លាក់ យើងនឹងរីកចម្រើនលឿន ។លោកថា បច្ចុប្បន្ន កម្ពុជា មិនទាន់មាននោះទេពោលគឺផ្លាស់ប្ដូរទៅតាមរបៀបលេងរបស់គ្រូបង្វឹកនីមួយៗ៕
