រដ្ឋមន្ត្រីក្រសួងសង្គ្រាមអាមេរិក លោក Pete Hegseth បានប្រាប់អ្នកយកព័ត៌មានថា សហរដ្ឋអាមេរិក មានបំណងទប់ទល់នឹងឥទ្ធិពលរបស់រុស្ស៊ី ចិន និងអ៊ីរ៉ង់នៅក្នុងប្រទេសអាមេរិកឡាទីន។
លោក Hegseth បាននិយាយថា យើងកំពុងតាមដានប្រទេសទាំងនោះ អំពីឥទ្ធិពលរបស់ពួកគេ ហើយយើងនឹងព្យាយាមទប់ស្កាត់មិនឱ្យជ្រៀតចូលក្នុងប្រទេសអាមេរិកឡាទីន ឡើយ។
សហរដ្ឋអាមេរិក នឹងព្យាយាមទប់ស្កាត់ប្រទេសរុស្ស៊ី ដែលបង្កការគំរាមកំហែងភ្លាមៗដល់សណ្តាប់ធ្នាប់ពិភពលោក និងព្យាយាមធ្វើឱ្យមានប្រៀបក្នុងការប្រកួតប្រជែងជាមួយប្រទេសចិន។
កាលពីដើមខែកញ្ញ មន្ទីរបញ្ចកោណ បានរាយការណ៍ថា ទីក្រុងវ៉ាស៊ីនតោន មានគម្រោងរារាំងរុស្ស៊ី និងចិន ពីការជះឥទ្ធិពលលើទ្វីបរបស់ខ្លួន ក៏ដូចជាសន្តិសុខនៅអឌ្ឍគោលខាងលិច។
បញ្ហាជម្លោះ និងសង្គ្រាមបច្ចុប្បន្ន កំពុងរំខានដល់ទំនាក់ទំនងមហាអំណាចធំៗ ជាពិសេសសហរដ្ឋអាមេរិក ដែលតែងតែមានភាពតានតឹងជាមួយប្រទេសផ្សេងៗ ៕
ដោយ៖ ពេជ្រ
