ក្រុមជម្រើសជាតិកម្ពុជា នឹងបើកទ្វារពហុកីឡដ្ឋានជាតិអូឡាំពិកទទួលក្រុមភ្ញៀវទីម័រខាងកើត ក្នុងការប្រកួតទី៣ពូល A នៃពានរង្វាន ASEAN Mitsubishi Electric Cup™ 2024 វេលាម៉ោង៥៖៤៥ល្ងាចនេះ។
ឆ្លងកាត់២ប្រកួតកន្លងមក ក្រុមគោព្រៃកម្ពុជា ស្មើ១ ចាញ់ មាន១ពិន្ទុ និងនៅសល់១ប្រកួតក្នុងដៃ ខណៈក្រុមភ្ញៀវទីម័រខាងកើត ជាការប្រកួតចុងក្រោយរបស់ខ្លួនហើយ ដោយឆ្លងកាត់៣ប្រកួតកន្លងមក គឺចាញ់ទាំង៣ប្រកួតគ្មានពិន្ទុ។ ដូច្នេះការប្រកួតនេះក្រុមគោព្រៃកម្ពុជា ត្រូវការឈ្នះដាច់ខាត ដើម្បីបន្តក្ដីសង្ឃឹមឡើងជុំបន្ទាប់ ទោះមានភាគរយតិចតូចក្ដី។
សូមជម្រាបថា ការប្រកួតក្នុងពូលចុងក្រោយរបស់ក្រុមគោព្រៃកម្ពុជា នឹងប៉ះក្រុមម្ចាស់ផ្ទះថៃ នៅថ្ងៃទី២០ ខែធ្នូខាងមុខនេះ៕
