ខ្សែប្រយុទ្ធ Andre Neito របស់ក្រុមជម្រើសជាតិកម្ពុជា មិនទាន់បានបង្ហាញខ្លួនឲ្យក្រុមជម្រើសជាតិនៅឡើយទេ បន្ទាប់ពីក្លាយជាកីឡាករទើបចូលសញ្ជាតិ និងមានឈ្មោះក្នុងក្រុមជម្រើសជាតិ នៅក្នុងការប្រកួតពានរង្វាន់ ASEAN Mitsubishi Electric Cup™ 2024 ខណៈលោក Koji Gyotoku គ្រូបង្វឹកក្រុមគោព្រៃកម្ពុជា ក៏បានបង្ហើបឲ្យដឹងផងដែរថា Andre Neito មិនទាន់fitមួយរយភាគឲ្យក្រុមជម្រើសជាតិនៅឡើយទេ ហើយក្រុមជម្រើសជាតិកំពុងរង់ចាំរូបគេមកជួយក្រុមក៏ដូចជាបង្ហាញខ្លួនលើកដំបូងសម្រាbជម្រើសជាតិក្នុងនាមជាកីឡាករកម្ពុជាផងដែរ។
យ៉ាងណាក៏ដោយទោះបីជាមិនទាន់បានបង្ហាញខ្លួនឲ្យក្រុមជម្រើសជាតិកម្ពុជា Andre Neito បានបង្ហោះសារមួយឃ្លានៅលើ Facebook ផ្ទាល់ខ្លួនឲ្យដឹងថា កម្ពុជានៅសល់២ប្រកួតបន្តទៀត ហើយយើងត្រូវខំទាំងអស់គ្នា។
គួរឲ្យដឹងថា ក្រុមគោព្រៃកម្ពុជា បានប្រកួត២ប្រកួតរួចហើយ ដោយស្មើ១ និងចាញ់ ខណៈការប្រកួតទី៣ កម្ពុជា ត្រូវប៉ះក្រុមជម្រើសជាតិទីម័រខាងកើតនៅថ្ងៃទី១៧ ខែធ្នូ ឆ្នាំ២០២៤ខាងមុខនេះនៅពហុកីឡដ្ឋានជាតិអូឡាំពិកតែម្ដង៕
