តាមប៉ូលិសហ្វីលីពីនបានឲ្យដឹងកាលពីថ្ងៃចន្ទថាពួកគេបានឃាត់ខ្លួនជនសង្ស័យពីរនាក់ពាក់ព័ន្ធនឹងការបាញ់សម្លាប់បុរសជនជាតិជប៉ុនពីរនាក់នាពេលថ្មីៗនេះនៅទីក្រុងម៉ានីល។
ជនរងគ្រោះទាំងពីរបានបាញ់ដោយបុរសម្នាក់ដែលចូលទៅជិតពួកគេនៅពេលដែលពួកគេចេញពីឡានតាក់ស៊ីកាលពីយប់ថ្ងៃសុក្រក្នុងរដ្ឋធានីម៉ានីល ហើយបានស្លាប់។ តាមប្រភពព័ត៌មានបានឱ្យដឹងថា ជនដៃដល់បានយករបស់របរជនរងគ្រោះហើយជិះម៉ូតូគេចខ្លួនបាត់ ។
ប៉ូលិសនិយាយថា ពួកគេកំពុងពិនិត្យមើលទំនាក់ទំនងរវាងជនសង្ស័យទាំងពីរ និងមូលហេតុអ្វីដែលពួកគេអាចឈានដល់ការបាញ់ប្រហារនោះ។
នៅក្នុងទីក្រុងម៉ានីល ជនជាតិជប៉ុនត្រូវបានគេវាយដំក្នុងករណីប្លន់ចំនួន ២១ ករណីពាក់ព័ន្ធនឹងកាំភ្លើងចាប់តាំងពីខែតុលាឆ្នាំមុន។ស្ថានទូតជប៉ុនប្រចាំប្រទេសហ្វីលីពីនកំពុងជំរុញជនជាតិជប៉ុនដែលរស់នៅក្នុងប្រទេសឬកំពុងធ្វើដំណើរទៅទីនោះកុំដើរលេងខាងក្រៅនៅពេលយប់ឲ្យសោះ។
កាលពីថ្ងៃចន្ទម្សិលមិញ ឯកអគ្គរដ្ឋទូតជប៉ុនប្រចាំប្រទេសហ្វីលីពីន លោក Endo Kazuya បានអំពាវនាវដល់មន្ត្រីជាន់ខ្ពស់របស់រដ្ឋាភិបាលហ្វីលីពីន ឱ្យកែលម្អសុវត្ថិភាពសាធារណៈ និងទប់ស្កាត់ឧប្បត្តិហេតុស្រដៀងគ្នានេះ៕
ដោយ៖ ពេជ្រ
