លោក Koji Gyotoku គ្រូបង្វឹកក្រុមជម្រើសកម្ពុជា បានបង្ហាញចំណាប់អារម្មណ៍ មុនត្រៀមការប្រកួត ASEAN Mitsubishi Electric Cup™ 2024 ជាមួយនឹងក្រុមជម្រើសជាតិម៉ាឡេស៊ីនៅថ្ងៃស្អែកនេះថា សម្រាប់ខ្ញុំវាជាលើកដំបូង ក្រោយពេលខ្ញុំទទួលតំណែងជាគ្រូបង្គោល សម្រាប់ក្រុមជម្រើសជាតិកម្ពុជា ខ្ញុំគិតថាអ្នកគាំទ្ររំពឹងច្រើនសម្រាប់លទ្ធផលល្អនៅថ្ងៃស្អែក ហើយខ្ញុំនឹងប្រឹងប្រែងឲ្យអស់ពីលទ្ធភាពដើម្បីការប្រកួតមួយនេះ។
លោកបានបន្តថា ខ្ញុំជឿជាក់ថា មានអ្នកខ្លះសង្ស័យពីក្រុមរបស់យើង ប៉ុន្តែសម្រាប់ខ្ញុំជឿជាក់លើក្រុមរបស់យើង ជឿជាក់លើការសាមគ្កីជាមួយគ្នា យើងនឹងប្រយុទ្ធជាមួយនឹងគ្នា ហើយយើងជឿជាក់ថា យើងនឹងធ្វើឲ្យបានល្អសម្រាប់ការប្រកួតថ្ងៃស្អែកនេះ។
សូមជម្រាបថា ក្រុមម្ចាស់ផ្ទះកម្ពុជា នឹងទទួលភ្ញៀវក្រុមម៉ាឡេស៊ី ក្នុងជំនួបបើកឆាកវគ្គសន្សំពិន្ទុពូល A នៃការប្រកួត ASEAN Mitsubishi Electric Cup™ 2024 នៅថ្ងៃទី៨ ខែធ្នូ ឆ្នាំ២០២៤ ស្អែកនេះ នៅពហុកីឡដ្ឋានជាតិ (អូឡាំពិក)វេលាម៉ោង ៥:៤៥ នាទីល្ងាច៕
