ដោយសារអាកាសធាតុខ្លាំងកំឡុងពេលប្រកួត Club World Cup ដែលសហរដ្ឋអាមេរិកធ្វើជាម្ចាស់ផ្ទះនៅរដូវក្តៅនេះ អ្នកជំនាញបានផ្តល់យោបល់ថា សហព័ន្ធកីឡាករបាល់ទាត់ពិភពលោក FIFA គួរតែពិចារណារៀបចំព្រឹត្តិការណ៍ World Cup ឆ្នាំ២០២៦ ប្រកួតនៅម៉ោង ៩ព្រឹកវិញ ។
សាស្រ្តាចារ្យលោក Mike Tipton មកពីសាកលវិទ្យាល័យ Portsmouth អ្នកជំនាញខាងសីតុណ្ហភាពរាងកាយមនុស្សបានផ្តល់កិច្ចសម្ភាសន៍ជាមួយ BBC Sport ថា កម្មវិធី World Cup 2026 ដែលមានអាមេរិកធ្វើសហម្ចាស់ផ្ទះផងនោះ គួរតែមានការកែប្រែម៉ោងប្រកួតមកពេលព្រឹក នាម៉ោង ៩ព្រឹកវិញ ដើម្បីរក្សាបានរលកកំដៅចេះតែបន្តកើនឡើងនៅពេលល្ងាចនេះ ស្របពេលកម្មវិធី FIFA Club Cup 2025 ដែលកំពុងជួបប្រទះ។
លោក Tipton បានគូសបញ្ជាក់ថា កំដៅមានការកើនឡើងខ្លាំងស្ថិតនៅភាគពាយព្យសហរដ្ឋអាមេរិក បង្កជាជំងឺ និងដល់ថ្នាក់ចូលមន្ទីរពេទ្យទៀតផង តួយ៉ាងនៅទីក្រុង New York កាលពីថ្ងៃទី២៤ ខែមិថុនា កំដៅបានហក់ឡើងដល់ ៣៩អង្សាជាប្រវត្តិសាស្រ្តថែមទៀត។
ទោះជាយ៉ាងណា សម្រាប់ម៉ោងប្រកួតមិនទាន់ត្រូវបានដាក់ចេញនៅឡើយទេ ពោលគឺត្រូវរង់ចាំរហូតដល់ការចាប់ឆ្នោត បែងចែកពូលនាអំឡុងខែធ្នូ ឆ្នាំ២០២៥ ប៉ុន្តែតាមធម្មតា World Cup កន្លងមក តែងតែចាប់ផ្តើមនៅចន្លោះម៉ោង ១៥៖០០ ១៨៖០០ និងចុងក្រោយគេម៉ោង ២១៖០០ ដែលជាពេលវេលាអំណោយផលសម្រាប់អ្នកគាំទ្រនៅតំបន់អឺរ៉ុប ប្រព័ន្ធផ្សព្យផ្សាយ និងដៃគូសហការឧបត្ថម្ភទៀតផង៕
