ក្រុមបិសាចក្រហម Manchester United បានឡើងទៅវគ្គផ្តាច់ព្រ័ត្រ Europa League រដូវកាល២០២៤/២០២៥ បន្ទាប់ពីយកឈ្នះលើក្រុមអេស្ប៉ាញ Athletic Bilbao ៤-១ ក្នុងវគ្គពាក់កណ្តាលផ្តាច់ព្រ័តកាលពីយប់មិញ (សរុបទាំង២ជើង២ Man Utd ឈ្នះ Bilbao ៧-១)។
យ៉ាងណាមិញក្រោយដឹកនាំ Man Utd ឡើងវគ្គផ្តាច់ព្រ័ត្រ លោក Ruben Amorim បាននិយាយថា «ខ្ញុំពិតជាចង់ផ្តល់អ្វីខ្លះទៅដល់អ្នកគាំទ្រ ព្រោះយើងបានជួបរឿងខកចិត្តនៅ Premier League សម្រាប់រដូវកាលនេះ។ វាជារឿងសំខាន់ដែលយើងត្រូវតែផ្តល់អ្វីម្យ៉ាងទៅកាន់អ្នកគាំទ្រជាងការក្លាយជាអ្នកឈ្នះទៅទៀត៕»
