គណៈកម្មាធិការពន្ធគយក្រោមក្រុមប្រឹក្សារដ្ឋចិនបានឲ្យដឹងថា ប្រទេសចិននឹងកំណត់ពន្ធបន្ថែមលើផលិតផលទាំងអស់ដែលនាំចូលពីសហរដ្ឋអាមេរិកចាប់ពីថ្ងៃទី ១០ ខែមេសា តទៅ។ វិធានការនេះត្រូវបានចាត់ទុកជាការឆ្លើយតបនឹងការដំឡើងពន្ធលើផលិតផលចិនដោយប្រធានាធិបតីអាមេរិកលោក Donald Trump។
អ្នកនាំពាក្យផ្លូវការរបស់ក្រសួងការបរទេសចិន លោក Lin Jian បាននិយាយថា ប្រទេសចិនប្រឆាំងនឹងគោលនយោបាយសម្លុតគំរាមកំហែងដែលធ្វើឡើងដោយសេតវិមាន ហើយប្រកាសថានឹងមិនពិគ្រោះយោបល់ពាណិជ្ជកម្មជាមួយទីក្រុងវ៉ាស៊ីនតោនឡើយ រហូតទាល់តែសហរដ្ឋអាមេរិកបំពេញលក្ខខណ្ឌចាំបាច់សម្រាប់កិច្ចសន្ទនា៕
ដោយ៖ ពេជ្រ
