Manchester City ក្រុមការពារតំណែងជើងឯក Premier League បានខកខានឱកាស ក្នុងការឡើងទៅឈរនៅចំណាត់ថ្នាក់លេខ៤ ក្នុងតារាងលីគអង់គ្លេសវិញ នៅពេលបញ្ចប់ត្រឹមលទ្ធផល ០-០ ទល់នឹង Manchester United។
ការយកបានតែ ១ពិន្ទុចេញពីកីឡដ្ឋាន Old Trafford កាលពីរាត្រីថ្ងៃអាទិត្យ បានធ្វើឱ្យក្រុមមេឃខៀវបន្តឈរនៅលេខរៀងទី៥ ក្នុងតារាងពិន្ទុជាបណ្តោះអាសន្នដដែល ដោយមាន ៥២ពិន្ទុ ចាញ់ក្រុមប្រៀបក្រុមលេខ៤ តោខៀវ Chelsea ១ពិន្ទុ ក្រោយឆ្លងកាត់បាន ៣១ប្រកួត ស្របពេលបិសាចក្រហម ឈរលេខ១៣ មាន ៣៨ពិន្ទុ៕
