ក្រុមជម្រើសជាតិនារីកម្ពុជា នឹងត្រូវតតាំងជាមួយក្រុមនារីម៉ាឡេស៊ី ក្នុងជំនួបចុងក្រោយពូល B នៃការប្រកួតពានរង្វាន់ AFF Women’s Cup 2024 នាកីឡដ្ឋាន New Laos National Stadium វេលាម៉ោង៣:០០នាទីរសៀល នៅប្រទេសឡាវ។
សម្រាប់ការប្រកួតនេះក្រុមនារីកម្ពុជា ត្រូវការឈ្នះឬ ស្មើប៉ុណ្ណោះ ដើម្បីឡើងទៅវគ្គពាក់កណ្ដាលផ្ដាច់ព្រ័ត្រ ក្រោយប្រកួតដំបូង កម្ពុជា ស្មើជាមួយឥណ្ឌូនេស៊ី ។ ពូល B មានតែ៣ក្រុមប៉ុណ្ណោះ ហើយតាមរូបមន្តត្រូវយក២ក្រុមឡើងវគ្គបន្ត ដូច្នេះកម្ពុជា មាន១ពិន្ទុក្នុងដៃ ខណៈម៉ាឡេស៊ី ឈរបាតរាងគ្មានពិន្ទុរាប់ក្រោយឆ្លងកាត់១ប្រកួតដូចគ្នា៕
