ក្លិបបាល់ទាត់ព្រះខ័នរាជស្វាយរៀង បានយកឈ្នះក្រុមភ្ញៀវ ឡាយហ្វ ខេត្តព្រះសីហនុ ២-០ នៅកីឡដ្ឋាន ស្វាយរៀងរបស់ខ្លួន ក្នុងការប្រកួតនៃពានរង្វាន់លីគកំពូលកម្ពុជា Cambodian Premier League រដូវកាល ២០២៤-២៥ បង្រ្គប់សប្តាហ៍ទី១០ កាលពីម្សិលមិញ។
២គ្រាប់របស់ព្រះខ័នរាជស្វាយរៀង រកបានដោយកីឡាករខ្សែបម្រើ គីម សុខយុទ្ធ ទាត់បញ្ចូលទីនៅនាទី ១១’ និងកិឡាករ PABLO AUGUSTO នៅនាទី ៨៥’ ក្រោមក្រសែភ្នែកអ្នកទស្សនា ២ ០៣៥នាក់ ជួយឱ្យព្រះខ័នរាជស្វាយរៀង ទទួលបាន ៣ពិន្ទុបន្ថែម។
ឆ្លងកាត់ ១១ប្រកួត រួមមកព្រះខ័នរាជស្វាយរៀង ឈ្នះ ៨ប្រកួត ស្មើ ១ប្រកួត និងចាញ់ ២ប្រកួត ស៊ុតបញ្ជូលទីបាន ៣៥ក្រាប់ របូតវិញ ១០គ្រាប់ប៉ុណ្ណោះ ឈរលេខ ៣ មាន២៥ពិន្ទុ តាមពីក្រោយវិសាខា ឈរលេខ២ មាន ២៦ពន្ទុ ខណ:ភ្នំពេញក្រោន មាន ៣៤ពិន្ទុ ឈរកំពូលតារាង៕
