ប្រធានាធិបតីតៃវ៉ាន់ លោក Lai Ching-te បាននិយាយ កាលពីថ្ងៃព្រហស្បតិ៍ថា ប្រទេសចិន កំពុងបង្កើនយុទ្ធនាការឥទ្ធិពលរបស់ខ្លួន និងការជ្រៀតចូលប្រឆាំងនឹងកោះប្រជាធិបតេយ្យមួយនេះ ហើយលោក សន្យាថានឹងចាត់វិធានការដើម្បីប្រឆាំងកិច្ចខិតខំប្រឹងប្រែងរបស់ទីក្រុងប៉េកាំង ក្នុងការយាយី។
តៃវ៉ាន់ ចោទប្រកាន់ចិនថា បានបង្កើនសមយុទ្ធយោធា ការដាក់ទណ្ឌកម្មពាណិជ្ជកម្ម និងយុទ្ធនាការឥទ្ធិពលប្រឆាំងនឹងកោះនេះក្នុងប៉ុន្មានឆ្នាំចុងក្រោយនេះ ដើម្បីបង្ខំឱ្យកោះនេះទទួលយកការទាមទារអធិបតេយ្យភាពរបស់ខ្លួន។
ថ្លែងទៅកាន់អ្នកសារព័ត៌មាន បន្ទាប់ពីជួបជាមួយមន្ត្រីសន្តិសុខជាន់ខ្ពស់ លោក Lai បានលើកឡើងថា ទីក្រុងប៉េកាំង ប្រើប្រាស់លទ្ធិប្រជាធិបតេយ្យរបស់តៃវ៉ាន់ ដើម្បីស្រូបយកសមាជិកផ្សេងៗនៃសង្គម រួមទាំងក្រុមឧក្រិដ្ឋកម្មដែលរៀបចំ បុគ្គលិកលក្ខណៈប្រព័ន្ធផ្សព្វផ្សាយ អតីតមន្ត្រីយោធា និងប៉ូលីស ។
លោក Lai បានប្រាប់សន្និសីទសារព័ត៌មានដែលផ្សាយផ្ទាល់ពីការិយាល័យប្រធានាធិបតីថា ចិន កំពុងអនុវត្តសកម្មភាពដូចជាការបំបែកបំបាក់ និងការបំផ្លិចបំផ្លាញ។
ទោះជាយ៉ាងណា ការិយាល័យកិច្ចការតៃវ៉ាន់ប្រចាំប្រទេសចិន បានថ្កោលទោសការកត់សម្គាល់របស់លោក Lai ដោយព្រមានថាទីក្រុងប៉េកាំង នឹងចាត់វិធានការយ៉ាងម៉ឺងម៉ាត់ ប្រសិនបើកងកម្លាំងផ្តាច់ខ្លួនឯករាជ្យតៃវ៉ាន់ ហ៊ានឆ្លងកាត់បន្ទាត់ក្រហម៕
ដោយ៖ ពេជ្រ
