ក្រុមជម្រើសជាតិនារីកម្ពុជា បានធ្លាក់មកលេខ២ក្នុងពូល B វិញនៃការប្រកួតពានរង្វាន់ AFF Women’s Cup 2024 ក្រោយក្រុមជម្រើសជាតិនារីឥណ្ឌូនេស៊ី បានយកឈ្នះលើក្រុមនារីម៉ាឡេស៊ី ដោយលទ្ធផល ១-០ កាលពីម្សិលមិញ។ ១គ្រាប់របស់ក្រុមនារីឥណ្ឌូនេស៊ី រកបានដោយកីឡាការិនី Scheunemann នៅនាទីទី៧៩។
លទ្ធផលនេះបានធ្វើឲ្យក្រុមនារីឥណ្ឌូនេស៊ី ឡើងឈរលេខ១ក្នុងពូល B ជាបណ្ដោះអាសន្នវិញ ក្រោយឆ្លងកាត់២ប្រកួតមាន៤ពិន្ទុ ខណៈនារីកម្ពុជា ឈរលេខ២ មាន១ពិន្ទុ ចំណែកម៉ាឡេស៊ី ឈរបាតតារាងគ្មានពិន្ទុរាប់ពីការប្រកួត១លើកដូចគ្នា ។ ទោះបែបនេះក្ដីក្រុមនារីកម្ពុជា និងម៉ាឡេស៊ី នឹងត្រូវប្រកួតកាត់សេចក្តីចុងក្រោយនៅថ្ងៃទី២៩ ខែវិច្ឆិកាខាងមុខនេះដើម្បីសម្រេចថាក្រុមណានឹងឡើងទៅវគ្គបន្ត៕
