ប្រធានាធិបតី Donald Trump បានព្រមានប្រធានាធិបតីអ៊ុយក្រែនលោក Volodymyr Zelensky ថាការបន្តការគាំទ្ររបស់សហរដ្ឋអាមេរិកសម្រាប់ប្រទេសរបស់លោកអាចនឹងមិនស្ថិតស្ថេរ យូរជាងនេះទេ លុះត្រាតែប្រធានាធិបតីអ៊ុយក្រែនប្តូរបទភ្លេងរបស់គាត់លើការបញ្ចប់សង្រ្គាមរុស្ស៊ីយ៉ាងឆាប់រហ័ស ទើបអាមេរិកបន្តជួយទៀត។
លោក Trump បានផ្សាយឡើងវិញនូវអត្ថបទព័ត៌មានដែលដកស្រង់សម្តីលោក Zelensky ដោយនិយាយថា ការបញ្ចប់សង្គ្រាមរបស់រុស្ស៊ីលើអ៊ុយក្រែនគឺនៅឆ្ងាយណាស់ ខណដែលលោក Trump បានស្រែកថ្ងូរថានោះជា សេចក្តីថ្លែងការណ៍ដ៏អាក្រក់បំផុតដែលអាចត្រូវបានធ្វើឡើងដោយ Zelensky។
លោក Trump បាននិយាយនៅលើគេហទំព័រប្រព័ន្ធផ្សព្វផ្សាយសង្គមដែលមានកម្មសិទ្ធិរបស់លោកថា “អាមេរិកនឹងមិនទុកវាយូរទៀតទេ វាជាអ្វីដែលខ្ញុំកំពុងនិយាយ បុរសម្នាក់នេះមិនចង់ឲ្យមានសន្តិភាពទេ ដរាបណាគាត់មានអាមេរិកគាំទ្រ ហើយអឺរ៉ុបក្នុងជំនួបជាមួយលោក Zelensky សុទ្ធតែបានបញ្ជាក់យ៉ាងដាច់អហង្ការថា ពួកគេមិនអាចធ្វើការងារដោយគ្មានអាមេរិកបាននោះទេ”។ ដូច្នេះ Zelensky ត្រូវតែយល់ឲ្យច្បាស់។
លោកបន្តថា សេចក្តីថ្លែងការបែបនោះរបស់ Zelensky ប្រហែលជាមិនមែនជាសេចក្តីថ្លែងការណ៍ដ៏អស្ចារ្យដែលត្រូវបានធ្វើឡើងនៅក្នុងលក្ខខណ្ឌនៃការបង្ហាញពីភាពរឹងមាំប្រឆាំងនឹងរុស្ស៊ីនោះទ្បើយហើយតើពួកគេកំពុងតែគិតអ្វី?។
មេដឹកនាំទាំងពីរបានចូលប្រជុំនៅក្នុងការិយាល័យរាងពងក្រពើដ៏ក្ដៅគគុកមួយកាលពីថ្ងៃសុក្រសប្តាហ៍មុន ដែលក្នុងនោះ Trump និងអនុប្រធានាធិបតី JD Vance បាននិយាយប្រមាថ Zelensky ម្តងហើយម្តងទៀតដោយចោទប្រកាន់ថាគាត់មិនដឹងគុណចំពោះជំនួយយោធានិងសេដ្ឋកិច្ចរបស់អាមេរិកជាច្រើនឆ្នាំសម្រាប់ប្រទេសដែលរងគ្រោះដោយសង្រ្គាម។
លោក Trump បានស្វែងរកការបញ្ចប់សង្រ្គាមយ៉ាងឆាប់រហ័ស ដែលជាគោលដៅមួយដែលលោកគិតបញ្ចប់វាត្រឹមតែមួយថ្ងៃប៉ុណ្ណោះ៕
ដោយ៖ ពេជ្រ
