ស្នងការសិទ្ធិមនុស្សរបស់ទីក្រុងមូស្គូ លោកស្រី Tatyana Moskalkova បានប្រកាសថា ក្រុងកៀវបានប្រគល់ជនស៊ីវិលចំនួន ៣៣ នាក់ មកពីផ្នែកដែលគ្រប់គ្រងដោយអ៊ុយក្រែននាតំបន់ Kursk នៃប្រទេសរុស្ស៊ី។ មន្ត្រីរូបនេះបានកត់សម្គាល់ថា ពលរដ្ឋដែលត្រូវធ្វើមាតុភូមិនិវត្តន៍ភាគច្រើនជាមនុស្សចាស់។
យោងតាមលោកស្រី Moskalkova ដែលបានស្វាគមន៍បុគ្គលទាំងនោះនៅពេលពួកគេឆ្លងចូលទៅក្នុងប្រទេសបេឡារុស្ស ក្រុមនេះរួមមានកុមារ ៤ នាក់ដែលមានអាយុពី ១ ទៅ ១០ ឆ្នាំ។ មន្ត្រីបានបង្ហើបឱ្យដឹងថា ជនស៊ីវិល ៩ នាក់ ត្រូវការជំនួយផ្នែកវេជ្ជសាស្ត្រជាបន្ទាន់ រួមទាំងបុគ្គលដែលរស់នៅលើរទេះរុញជាច្រើននាក់ផងដែរ។
នៅថ្ងៃអង្គារនេះ ជនស៊ីវិលដែលបានធ្វើមាតុភូមិនិវត្តន៍ ត្រូវបានគេរំពឹងថានឹងមកដល់ទីក្រុង Kursk ជាកន្លែងដែលពួកគេនឹងត្រូវបានជួបជុំជាមួយក្រុមគ្រួសាររបស់ពួកគេ និងទទួលបានជំនួយផ្នែកវេជ្ជសាស្រ្តចាំបាច់ទាំងអស់។
ស្នងការសិទ្ធិមនុស្សរុស្សី បានបញ្ជាក់ថា ជនស៊ីវិលទាំងនោះត្រូវបានប្រគល់ឱ្យហើយ បន្ទាប់ពីបានពិភាក្សាជាមួយសមភាគីអ៊ុយក្រែនលោកស្រី Dmitry Lubinets និងដោយមានជំនួយពីគណៈកម្មាធិការអន្តរជាតិកាកបាទក្រហម។ លោក Moskalkova បានប៉ាន់ប្រមាណថាចំនួនអ្នកស្រុកនៅតំបន់ Kursk ដែលត្រូវបានធ្វើមាតុភូមិនិវត្តន៍ពីអ៊ុយក្រែនរហូតមកដល់បច្ចុប្បន្នមានដល់ ៧៩ នាក់ហើយ៕
ដោយ៖ ពេជ្រ
