ក្រុមកាំភ្លើងធំ Arsenal បានបង្ហាញពីចំណូលដុលមានដល់ទៅ ៦១៦.៦លានផោន ក៏ប៉ុន្តែក្រោយទូទាត់រួចរាល់ ពួកគេបានខាតបង់ប្រាក់ប្រមាណ ១៧.៧លានផោនទៅវិញ នៅពេលបិទបញ្ជីត្រឹមថ្ងៃទី៣១ ខែឧសភា ឆ្នាំ២០២៤។
Arsenal បានបញ្ចប់ក្នុងចំណាត់ថ្នាក់លេខ២ នៅលីគអង់គ្លេស Premier League ២សម័យកាលចុងក្រោយនេះ និងបានវិលទៅលេង UEFA Champions League វិញចាប់តាំងពីរដូវកាលឆ្នាំ២០២៣-២៤ ដែលពួកគេបានឡើងដល់វគ្គ ៨ក្រុមចុងក្រោយ។
ការមានកៅអីលេងពានលំដាប់កំពូលអឺរ៉ុបនេះវិញ មានហិរញ្ញវត្ថុកើនឡើងមួយកម្រិត តាមរយៈលក់សិទ្ធិដល់ប្រព័ន្ធផ្សព្វផ្សាយ និងចំណូលបានពីការលក់សំបុត្រផងដែរ៕
