ក្លិបបាល់ទាត់ព្រះខ័នរាជស្វាយរៀង បានប្រកាសនាំយកខ្សែប្រយុទ្ធសញ្ជាតិប្រេស៊ីល Breno Caetano វ័យ២៧ឆ្នាំ កម្ពស់ ១,៧៧m លេងតំណែង ខ្សែប្រយុទ្ធស្លាប ធ្លាប់លេងនៅលីគប្រេស៊ីល និងលីគអ៊ុយរូហ្គាយ។
គោលដៅធំរបស់ក្លិបព្រះខ័នរាជស្វាយរៀង ក្នុងការនាំយកកីឡាករខ្សែប្រយុទ្ធស្លាបសញ្ជាតិប្រេស៊ីល Breno Caetano គឺដើម្បីមកជួយនៅតំបន់ប្រយុទ្ធឱ្យកាន់តែមុតស្រួច ត្រៀមការប្រកួតពានរង្វាន់លំដាប់ទី 3 ទ្វីបអាស៊ី AFC Challenge League វគ្គ៨ក្រុមចុងក្រោយ ដែលពានរង្វាន់មួយនេះ គឺមិនបានកំណត់កីឡាករបរទេសចូលលេងនៅលើទីលាននោះទេ៕
