កីឡាករបាល់ទាត់ប្រេស៊ីលដ៏ល្បីឈ្មោះ Neymar បាននឹងកំពុងធ្វើឱ្យមានការភ្ញាក់ផ្អើលនៅក្នុងពិភពកីឡានាពេលថ្មីៗនេះ បន្ទាប់ពីមានការប្រកាសថាកិច្ចសន្យាដែលរកកម្រៃបានច្រើនរបស់គេជាមួយ Al-Hilal ត្រូវបានបញ្ចប់។
កិច្ចព្រមព្រៀងដែលមានតម្លៃ ១៣០ លានផោនក្នុងមួយឆ្នាំគឺស្ថិតក្នុងចំណោមកិច្ចព្រមព្រៀងខ្ពស់បំផុតនៅក្នុងកីឡាបាល់ទាត់។ ទោះបីជាយ៉ាងណាក៏ដោយ ពេលនេះ Neymar ហាក់ដូចជាកំពុងប្រឈមមុខនឹងការថយចុះយ៉ាងខ្លាំងនៃប្រាក់ចំណូល ខណៈដែលរូបគេបានត្រៀមខ្លួនត្រឡប់ទៅក្លឹបកុមារភាពរបស់គេវិញគឺ Santos ។
យោងតាមកាសែត Daily Mail បានឲ្យដឹងថាប្រាក់ខែថ្មីរបស់ Neymar នៅ Santos នឹងទាបជាងយ៉ាងខ្លាំងបើប្រៀបធៀបទៅនឹងចំនួនដ៏គួរឱ្យភ្ញាក់ផ្អើលដែលគាត់រកបានពីមុននៅប្រទេសអារ៉ាប៊ីសាអូឌីត។ របាយការណ៍បានបង្ហាញថាខ្សែប្រយុទ្ធវ័យ 32 ឆ្នាំនឹងទទួលបានប្រាក់ប្រហែល ១៣៥,៥០៧ ផោនក្នុងមួយខែនៅក្លឹបថ្មី ដែលផ្ទុយស្រឡះទៅនឹងប្រាក់ចំណូលប្រចាំឆ្នាំរបស់គេចំនួន ១៣០លានផោន។ ភាពខុសប្លែកគ្នាយ៉ាងខ្លាំងនេះបង្ហាញពីការលះបង់ផ្នែកហិរញ្ញវត្ថុដ៏សំខាន់ដែល Neymar កំពុងធ្វើដើម្បីជួយសម្រួលដល់ការវិលត្រឡប់របស់គេទៅកាន់បាល់ទាត់ប្រេស៊ីល៕
