ប៉ូលិសកេនយ៉ាបានបាញ់ឧស្ម័នបង្ហូរទឹកភ្នែកនៅតាមដងផ្លូវនៃទីក្រុងណៃរ៉ូប៊ី ក្នុងកិច្ចប្រឹងប្រែងមួយដើម្បីបំបែកក្រុមបាតុកររាប់សិបនាក់ដែលប្រមូលផ្តុំគ្នាប្រឆាំងនឹងការបាត់ខ្លួនសកម្មជនរិះគន់រដ្ឋាភិបាល។
វីដេអូដែលបង្ហោះតាមអ៊ីនធឺណិតដោយភ្នាក់ងារវីដេអូ Ruptly បានបង្ហាញពីសកម្មជនកំពុងអង្គុយក្នុងខណៈដែលគ្រាប់បែកហ្គាសបានផ្ទុះនៅតំបន់ជុំវិញ ហើយផ្សែងឧស្ម័នបង្ហូរទឹកភ្នែកបានហោះនៅលើអាកាស។ ក្រុមបាតុករបានស្រែកពាក្យស្លោករិះគន់រដ្ឋាភិបាល ដោយខ្លះកាន់ផ្ទាំងបដា បរិហារពីការឃុំខ្លួនខុសច្បាប់ ខណៈដែលមន្ត្រីប៉ូលិសជិះសេះដើរល្បាតនៅក្បែរៗនោះ។
យើងនៅទីនេះថ្ងៃនេះ ដើម្បីតវ៉ាអំពីអំពើឃោរឃៅរបស់ប៉ូលីស ហើយការចាប់ពង្រត់សកម្មជនបានកើនឡើង។ អ្នកតវ៉ាស្អែកថា បងប្អូនរបស់យើងកំពុងបាត់ខ្លួន ហើយពួកយើងនៅទីនេះដើម្បីស្រែកប្រកាសថា “ទេចំពោះអំពើឃោរឃៅ និងការចាប់ពង្រត់”។
វីដេអូដែលចែករំលែកដោយភ្នាក់ងារបារាំង-Presse បង្ហាញពីសមាជិកសភាបក្សប្រឆាំងលោក Okiya Omtatah ដែលត្រូវបានគេរាយការណ៍ថាត្រូវបានឃុំខ្លួនក្នុងអំឡុងពេលបាតុកម្ម ខណចូលរួមការតវ៉ាដោយអង្គុយជាមួយបាតុករដែលកាន់ច្រវាក់ និងបដា ខណៈដែលប៉ូលីសកុប្បកម្មព្យាយាមឱ្យពួកគេដាច់ចេញពីគ្នា។
រដ្ឋាភិបាលលោកប្រធានាធិបតី Ruto ឈប់ចាប់ពង្រត់មនុស្សទៀតទៅ។ នេះជាការទាមទាររបស់លោក Omtatah ដោយបានបន្ទោសប្រមុខរដ្ឋលោក William Ruto ចំពោះការអនុវត្តច្បាប់ និងទាមទារឲ្យរបបនេះអនុវត្តតាមនីតិរដ្ឋ ឬលាលែងពីមុខតំណែង។
កាលពីសប្តាហ៍មុន គណៈកម្មាធិការជាតិកេនយ៉ាទទួលបន្ទុកសិទ្ធិមនុស្សបានចេញការព្រមានដោយអះអាងថា ប្រទេសកេនយ៉ាកំពុងត្រលប់ទៅ “ថ្ងៃងងឹត” ចំពេលមានការកើនឡើងនៃការចាប់ជំរិតអ្នករិះគន់រដ្ឋាភិបាល។ គណៈកម្មការនេះបានអះអាងថា ចំនួនករណីសរុបមានចំនួន ៨២ ករណីចាប់តាំងពីការតវ៉ាប្រឆាំងរដ្ឋាភិបាលបានចាប់ផ្តើមនៅក្នុងខែមិថុនា។
ក្រុមសិទ្ធិមនុស្សបានចោទប៉ូលិសជាតិថាជាអ្នកទទួលខុសត្រូវចំពោះការបាត់ខ្លួនមនុស្ស។ ប៉ូលីសបានបដិសេធការចោទប្រកាន់នេះ ដោយបង្ហាញថាពួកគេកំពុងស៊ើបអង្កេតឧប្បត្តិហេតុនេះ។
លោកប្រធានាធិបតី Ruto ដែលពីមុនបានពណ៌នារបាយការណ៍នៃការចាប់ពង្រត់ថាជា “ព័ត៌មានក្លែងក្លាយ” ហើយបានសន្យាកាលពីថ្ងៃចន្ទដើម្បីបញ្ឈប់រលកនៃការបាត់ខ្លួននេះ។ អ្វីដែលបានលើកទ្បើងអំពីការចាប់ពង្រត់ យើងនឹងបញ្ឈប់ពួកគេ ដូច្នេះយុវជនកេនយ៉ាអាចរស់នៅដោយសន្តិភាព ប៉ុន្តែពួកគេគួរតែមានវិន័យ និងសុជីវធម៌ ទើបយើងអាចកសាងប្រទេសកេនយ៉ាជាមួយគ្នាបាន។ លោក Ruto បាននិយាយបែបនេះនៅឯកីឡដ្ឋានមួយក្នុងទីក្រុង Homa Bay នៅភាគខាងលិចនៃប្រទេសកេនយ៉ា។ នេះបើតាមផ្សព្វផ្សាយរបស់ CNN Africa៕
ដោយ៖ ពេជ្រ
