លោក Zinedine Zidane មានបំណងចង់ដឹកនាំតែ ២ក្រុមប៉ុណ្ណោះក្នុងអាជីពគ្រូបង្វឹក ពោលគឺក្លិប Real Madrid និងជម្រើសជាតិបារាំង។
បុរសវ័យ ៥២ឆ្នាំ Zidane បានទំនេរពីការងារមានរយៈពេលជិត ៤ឆ្នាំមកហើយ ក្រោយពេលលាឈប់ដឹកនាំក្រុមអធិរាជស Real Madrid នាចុងខែឧសភា ឆ្នាំ២០២១ បន្ទាប់ដឹកនាំក្លិបនៅទីក្រុង Madrid មួយនេះ ២លើករួចមក។
លោក Zidane មិនមានបំណងដឹកនាំក្លិបណាមួយនៅ Premier League ឡើយ ដ្បិតកន្លងមក Manchester United ធ្លាប់បានទាក់ទង ប៉ុន្តែត្រូវបានលោកបដិសេធវិញ ដោយលោកមានបំណងចង់ដឹកនាំតែ ២ក្រុមប៉ុណ្ណោះក្នុងអាជីពគ្រូបង្វឹក ពោលគឺក្លិប Real Madrid និងជម្រើសជាតិបារាំង៕
