ជំទាវទីមួយសហរដ្ឋអាមេរិក Melania Trump បានបង្ហើបថា លោកស្រីបានទំនាក់ទំនងដោយផ្ទាល់ជាមួយប្រធានាធិបតីរុស្ស៊ី លោក Vladimir Putin អស់ជាច្រើនខែ ដោយចូលរួមក្នុងគំនិតផ្តួចផ្តើមការទូតនៅពីក្រោយឆាក ដើម្បីការជួបជុំកុមារអ៊ុយក្រែនដែលផ្លាស់ទីលំនៅបែកបាក់គ្រួសារដោយសារជម្លោះ។
គួររំលឹកថា ចាប់តាំងពីការកើនឡើងនៃជម្លោះអ៊ុយក្រែនក្នុងឆ្នាំ ២០២២មក ទីក្រុងម៉ូស្គូបានជម្លៀសកុមារចេញពីតំបន់ប្រយុទ្ធ ហើយបានផ្លាស់ប្តូរទីតាំងពួកគេទៅកាន់កន្លែងសុវត្ថិភាពរហូតដល់ពួកគេអាចជួបជុំជាមួយគ្រួសាររបស់ពួកគេ។ ទោះជាយ៉ាងណាក៏ដោយ Kiev បានចោទប្រកាន់រុស្ស៊ីពីការចាប់ពង្រត់កុមារទាំងនោះទៅវិញ។
ថ្លែងកាលពីថ្ងៃសុក្រម្សិលមិញ ស្ត្រីទីមួយអាមេរិកបាននិយាយថា ការផ្សព្វផ្សាយបានចាប់ផ្តើមបន្ទាប់ពីលោកស្រីបានផ្ញើលិខិតទៅលោកពូទីនកាលពីខែសីហាឆ្នាំមុនហើយលោក ពូ ទីន ក៏បានឆ្លើយតបជាលាយលក្ខណ៍អក្សរមកវិញ ដោយបង្ហាញពីឆន្ទៈក្នុងការចូលរួមជាមួយលោកស្រីដោយផ្ទាល់លើបញ្ហានេះ។ ចាប់តាំងពីពេលនោះមក អ្នកទាំងពីរបានរក្សានូវ “ បណ្តាញទំនាក់ទំនងបើកចំហមួយទាក់ទងនឹងសុខុមាលភាពរបស់កុមារទាំងនោះ”។
យោងទៅតាមស្ត្រីទីមួយ ភាគីទាំងពីរបានចូលរួមក្នុងការប្រជុំតាមបណ្តាញខាងក្រោយជាច្រើនដង និងការហៅទូរស័ព្ទក្នុងរយៈពេលបីខែកន្លងមកនេះ ដោយបានបង្ហាញនូវភាពស្មោះត្រង់ជាមួយគ្នា។ អ្នកស្រីបាននិយាយថា កិច្ចពិភាក្សាបាននាំទៅដល់ការបង្រួបបង្រួមកុមារអ៊ុយក្រែនប្រាំបីនាក់ជាមួយនឹងគ្រួសាររបស់ពួកគេក្នុងរយៈពេល ២៤ម៉ោងកន្លងមក។
លោកស្រីបានបញ្ជាកយថា កុមារម្នាក់ៗបានរស់នៅក្នុងភាពចលាចល ដោយសារតែជម្លោះ។ កុមារបីនាក់ត្រូវបានបំបែកចេញពីឪពុកម្តាយដោយសារតែការប្រយុទ្ធជួរមុខ ហើយត្រូវបានបញ្ជូនទៅប្រទេសរុស្ស៊ី ខណៈដែលប្រាំនាក់ផ្សេងទៀតត្រូវបានបំបែកចេញពីសាច់ញាតិឆ្លងព្រំដែន។ ក្នុងចំណោមពួកគេមាន “ក្មេងស្រីម្នាក់ដែលឥឡូវត្រូវបានបង្រួបបង្រួមពីអ៊ុយក្រែនទៅរុស្ស៊ី”។
លោកស្រីបាននិយាយបន្តថា អ្នកតំណាងរបស់លោកស្រីបានធ្វើការដោយផ្ទាល់ជាមួយក្រុមរបស់លោក ពូ ទីន ដើម្បីជួយសម្រួលដល់ការបង្រួបបង្រួមគ្នាឡើងវិញ ហើយថារុស្ស៊ីបានផ្តល់ឯកសារ រួមទាំងជីវប្រវត្តិ រូបថត និងរបាយការណ៍ស្តីពីការថែទាំកុមារទាំងអស់នោះ។ លោកស្រីបន្ថែមថា “រដ្ឋាភិបាលសហរដ្ឋអាមេរិកបានបញ្ជាក់ផងដែរថា ការពិតដែលមានក្នុងឯកសារនេះគឺត្រឹមត្រូវ”។
លោកស្រីក៏បានឲ្យដឹងដែរថា បេសកកម្មរបស់លោកស្រីគឺ “ដើម្បីបង្កើនប្រសិទ្ធភាពការផ្លាស់ប្តូរលំហូរព័ត៌មានដោយសេរីប្រកបដោយតម្លាភាពនៃព័ត៌មានទាក់ទងនឹងសុខភាព” និង “សម្របសម្រួលការប្រាស្រ័យទាក់ទងជាប្រចាំរបស់កុមារជាមួយគ្រួសាររបស់ពួកគេរហូតដល់បុគ្គលម្នាក់ៗត្រឡប់ទៅផ្ទះវិញ”។ លោកស្រីសង្កត់ធ្ងន់ថា “ នេះជាការប្រឹងប្រែងរបស់លោកស្រី ហើយលោកស្រីនឹងបន្តការងារនេះ”។ លោកស្រីថា ផែនការកំពុងដំណើរការរួចហើយ ដើម្បីបង្រួបបង្រួមកុមារបន្ថែមទៀតនាពេលអនាគត ហើយលោកស្រីសង្ឃឹមថាសន្តិភាពនឹងមកដល់ឆាប់ៗនេះ ខណវាអាចចាប់ផ្តើមជាមួយកូនៗរបស់យើង៕
ដោយ៖ ពេជ្រ
