ក្លិបបាល់ទាត់វិសាខា នៅមុននេះបានចេញសេចក្ដីប្រកាសព័ត៌មាន ស្តីពីការព្រមព្រៀងបញ្ចប់កិច្ចសន្យា ជាមួយលោកគ្រូ Gérard Jones ។ តាងនាមថ្នាក់ដឹកនាំ ក្រុមការងារ និងកីឡាករទាំងអស់ សូមអរគុណលោក Gérard Jones សម្រាប់ការខិតខំប្រឹងប្រែងរួមចំណែកដឹកនាំក្រុមនាពេលកន្លងមក និងសូមជូនពរលោក ជួបតែសំណាងល្អ និងទទួលបានជោគជ័យក្នុងការងារនាថ្ងៃអនាគត។
ដំណឹងចែកផ្លូវគ្នារវាងវិសាខា និងលោកគ្រូ Gérard Jones ស្របពេលលេចឮព័ត៌មានជាច្រើនថា វិសាខា អាចនឹងចចារយកលោក Pep Muñoz អតីតគ្រូបង្វឹកព្រះខ័នរាជស្វាយរៀងមកដឹកនាំ ខណៈគ្រូបង្វឹកសញ្ជាតិអេស្ប៉ាញរូបនេះកំពង់ទំនេរស្រាប់ ក្រោយបែកផ្លូវជាមួយក្លិបចិន Shenzhen Peng City កាលពីពេលថ្មីៗនេះ៕
