គេហទំព័រព័ត៌មាន Ynet រាយការណ៍ថា អ៊ីស្រាអែល កំពុងអនុវត្តដំណាក់កាលដំបូងនៃផែនការសន្តិភាពរបស់ប្រធានាធិបតីអាមេរិកលោក ដូណាល់ ត្រាំ សម្រាប់ការដោះស្រាយជម្លោះអ៊ីស្រាអែល និងប៉ាឡេស្ទីន ដោយការដកកម្លាំងក្រុងយេរ៉ូសាឡឹម ពីផ្នែកជាច្រើននៃតំបន់ហ្គាហ្សាស្ទ្រីប។
យោងតាមប្រភពដដែល បានឱ្យដឹងថា បន្ទាប់ពីការបោះឆ្នោតរបស់រដ្ឋាភិបាលអ៊ីស្រាអែល ដើម្បីអនុម័តកិច្ចព្រមព្រៀងជាចុងក្រោយ អ៊ីស្រាអែល នឹងត្រូវដកកងទ័ពរបស់ខ្លួនក្នុងរយៈពេល ២៤ ម៉ោង ទៅតាមខ្សែបន្ទាត់ដែលព្រមព្រៀងជាមួយចលនារ៉ាឌីកាល់ប៉ាឡេស្ទីនហាម៉ាស។
ទន្ទឹមនោះ ប្រធានាធិបតីអាមេរិក លោក ដូណាល់ ត្រាំ បានបញ្ជាក់ថា តំណាងអ៊ីស្រាអែល និងក្រុមហាម៉ាស ចុះហត្ថលេខាលើកិច្ចព្រមព្រៀងលើដំណាក់កាលដំបូងនៃផែនការសន្តិភាព បន្ទាប់ពីការចរចានៅប្រទេសអេហ្ស៊ីប រួចរាល់។
លោក ត្រាំ បានបញ្ជាក់ថា នេះជាជំហានដំបូងដែលត្រូវបានអនុវត្ត ដើម្បីឆ្ពោះទៅរកសន្តិភាពដ៏រឹងមាំ យូរអង្វែង និងជានិរន្តរ៍៕
ដោយ៖ ពេជ្រ
