មន្ត្រីប៉ូលិសម្នាក់ បាននិយាយថា មនុស្សយ៉ាងហោចណាស់ម្នាក់ស្លាប់ និងរាប់សិបនាក់រងរបួស កាលពីថ្ងៃចន្ទ បន្ទាប់ពីអគារសិក្សាអ៊ីស្លាមមួយកន្លែងដួលរលំនៅលើកោះជ្វាប្រទេសឥណ្ឌូនេស៊ី។
ទីភ្នាក់ងារព័ត៌មានរដ្ឋ Antara បានរាយការណ៍ដោយដកស្រង់សម្តីសាក្សីថា សិស្សជាង ១០០ នាក់ ដែលស្ថិតនៅក្នុងអគារសាលារៀនអ៊ីស្លាម Al Khoziny ក្នុងស្រុក Sidoarjo អំឡុងបាក់រលំនោះ។
អ្នកនាំពាក្យប៉ូលីស លោក Jules Abraham Abast បានប្រាប់អ្នកសារព័ត៌មានថា ក្រុមអ្នកជួយសង្គ្រោះបានជម្លៀសជនរងគ្រោះយ៉ាងហោចណាស់ ៧៩ នាក់ ចេញពីកន្លែងកើតឧបទ្ទវហេតុ។
លោក Jules បាននិយាយថា យ៉ាងហោចណាស់ជនរងគ្រោះម្នាក់ស្លាប់។ លោក បន្តថា អាជ្ញាធរកំពុងធ្វើការដើម្បីរកឱ្យឃើញថា តើមានជនរងគ្រោះប៉ុន្មាននាក់ទៀតដែលជាប់ក្នុងអគារនោះ។
យោងតាម នាយកសាលា លោក Abdus Salam Mujib បានបញ្ជាក់ថា អគារនេះដួលរលំបន្ទាប់ពីកម្មករ បន្តចាក់បេតុងឡើងមួយជាន់ទៀតគឺជាន់ទី ៣ ខណៈគម្រោងគឺសាងសង់ ៤ ជាន់។
គួរបញ្ជាក់ថា ចំនួនអ្នកស្លាប់ និងរងគ្រោះពិតប្រាកដមិនទាន់ដឹងច្បាស់នៅឡើយ ខណៈអាជ្ញាធរ កំពុងខ្នះខ្នែងជួយសង្គ្រោះ៕
ដោយ៖ ពេជ្រ
