យោងតាមរបាយការណ៍ពី BBC បានឲ្យដឹងថា ក្លិប Nottingham Forest ដែលស្ថិតនៅក្របខណ្ឌ Premier League របស់អង់គ្លេស កំពុងចាប់អារម្មណ៍ចង់បានគ្រូបង្វឹកសញ្ជាតិ ព័រទុយហ្គាល់ លោក Jose Mourinho ទៅដឹកនាំនៅរដូវកាលនេះ។
ការចាប់អារម្មណ៍នេះបានធ្វើឡើងក្រោយទទួលដំណឹងថាលោក Mourinho ចាកចេញពី Fenerbahce ដោយក្លិបនៅ PL មួយនេះ បានកំណត់គោលដៅលើបុរសសញ្ជាតិព័រទុយហ្គាល់រូបនេះដើម្បីមកជំនួសគ្រូបង្វឹកបច្ចុប្បន្នរបស់ពួកគេលោក Nuno Espirito។
មានការលេចឮដំណឹងជាច្រើនថា លោក Espirito អាចនឹងត្រូវចាកចេញពី Nottingham ឆាប់ៗនេះ បន្ទាប់ពីទំនាក់ទំនងរបស់លោកជាមួយនឹងប្រធានក្លិបលោក Evangelos Marinakis ហាក់មានភាពរកាំរកូស៕
