Liverpool និង Manchester City ត្រូវបានចាប់ឆ្នោតប៉ះគូប្រជែង Real Madrid អតីតជើងឯកអឺរ៉ុប UEFA Champions League ១៥សម័យកាលច្រើនជាងគេ សម្រាប់វគ្គ League Phase រដូវកាលថ្មី ២០២៥-២៦។
ជាមួយគ្នានោះ សម្រាប់ក្រុមអង់គ្លេសផ្សេងទៀតមកពីក្របខណ្ឌ Premier League ដូចគ្នារួមមាន Tottenham និង Newcastle ត្រូវប៉ះម្ចាស់ការពារតំណែងជើងឯក Paris Saint Germain របស់បារាំង។
គួរបញ្ជាក់ផងដែរថា សម្រាប់រូបមន្តថ្មីដែលមាន ៣៦ក្រុមចូលរួមក្នុងរដូវកាលទី២ នៃពានអឺរ៉ុបនេះ អង់គ្លេសដែលមានដល់ទៅ ៦ក្រុមលេងវគ្គសន្សំពិន្ទុ League Phase នេះជាលើកដំបូងមិនអាចជួបគ្នាបានទេ លើកលែងតែវគ្គចាញ់-ធ្លាក់។ ការប្រកួតនឹងចាប់ផ្តើមពីថ្ងៃទី១៦ ខែកញ្ញា ឆ្នាំ២០២៥ រហូតដល់វគ្គផ្តាច់ព្រ័ត្រនាថ្ងៃទី៣០ ខែឧសភា ឆ្នាំ២០២៦ នៅប្រទេសហុងគ្រី។
ខាងក្រោមនេះ ជាក្រុមទាំង៨ ដែលទាំង ៦ក្រុមរបស់អង់គ្លេសត្រូវប្រជែងពិន្ទុ ដើម្បីឆ្លងចូលវគ្គចាញ់-ធ្លាក់ជាបន្តរួមមាន៖
Liverpool៖ Real Madrid, Inter Milan, Atletico Madrid, Eintracht Frankfurt, PSV Eindhoven, Marseille, Qarabag និង Galatasaray។
Manchester City៖ Borussia Dortmund, Real Madrid, Bayer Leverkusen, Villarreal, Napoli, Bodo/Glimt, Galatasaray និង Monaco។
Chelsea៖ Barcelona, Bayern Munich, Benfica, Atalanta, Ajax, Napoli, Pafos និង Qarabag។
Arsenal៖ Bayern Munich, Inter Milan, Atletico Madrid, Club Brugge, Olympiacos, Slavia Prague, Kairat Almaty និង Athletic Bilbao។
Tottenham៖ Borussia Dortmund, Paris St-Germain, Villarreal, Eintracht Frankfurt, Slavia Prague, Bodo/Glimt, Copenhagen និង Monaco។
Newcastle៖ Barcelona, Paris St-Germain, Benfica, Bayer Leverkusen, PSV Eindhoven, Marseille, Athletic Bilbao និង Union SG៕(FN)
