អាជ្ញាធររុស្ស៊ី បានឲ្យដឹងថា មនុស្ស ៣ នាក់ស្លាប់ និង ៤៥ នាក់រងរបួស បន្ទាប់ពីការវាយប្រហារដោយអ៊ុយក្រែន លើរោងចក្រមួយកន្លែងក្នុងទីក្រុង Izhevsk ដែលមានចម្ងាយជាង ១,០០០ គីឡូម៉ែត្រ (៦២០ ម៉ាយ) ពីព្រំដែន។
អភិបាលក្រុងលោក Udmurtia Aleksandr Brechalov បាននិយាយថា ក្នុងចំណោមអ្នករងរបួសមាន ៦ នាក់ធ្ងន់ធ្ងរ។
លោក បញ្ជាក់ថា លោក ក៏បានជូនដំណឹងនេះទៅលោកប្រធានាធិបតី Vladimir Putin ភ្លាមៗផងដែរ។
យន្តហោះគ្មានមនុស្សបើក តាមសេចក្តីរាយការណ៍ បានកំណត់គោលដៅទៅលើរោងចក្រអគ្គិសនី Kupol ដែលជារោងចក្រយោធា ដែលគេដឹងថា ផលិតប្រព័ន្ធមីស៊ីលពីដីទៅអាកាស Tor និងស្ថានីយ៍រ៉ាដា។
រោងចក្រនេះ ក៏អាចផលិតប្រព័ន្ធការពារដែនអាកាស Osa និងបង្កើតយន្តហោះគ្មានមនុស្សបើកផងដែរ។ នេះបើយោងតាមប្រព័ន្ធផ្សព្វផ្សាយអ៊ុយក្រែន៕
ដោយ៖ ពេជ្រ
