រដ្ឋមន្ត្រីក្រសួងរតនាគារអាមេរិកលោល Scott Bessent បានថ្លែងថា អ្នកចរចាមកពីសហរដ្ឋអាមេរិក និងចិនបាននិងកំពុងធ្វើឱ្យ មានភាពរីកចម្រើនច្រើននៅក្នុងកិច្ចចរចាពាណិជ្ជកម្មរបស់ពួកគេ។ លោកថាព័ត៌មានលម្អិតនឹងត្រូវប្រកាសនៅថ្ងៃចន្ទនេះ។
លោក Bessent បានធ្វើការកត់សម្គាល់ទៅកាន់អ្នកសារព័ត៌មានបន្ទាប់ពីកិច្ចពិភាក្សារយៈពេលពីរថ្ងៃនៅទីក្រុងហ្សឺណែវ ប្រទេសស្វីស បានបញ្ចប់កាលពីថ្ងៃអាទិត្យ។ អ្នកចូលរួមក្នុងកិច្ចពិភាក្សានោះរួមមានលោក Bessent និងអ្នកតំណាងពាណិជ្ជកម្មអាមេរិកលោក Jamieson Greer ខណភាគីចិនមាន ឧបនាយករដ្ឋមន្ត្រីចិន លោក He Lifeng ក៏បានចូលរួមក្នុងកិច្ចពិក្សានិះផងដែរ។
ជំនួបនេះគឺជាជំនួបផ្លូវការលើកដំបូងរវាងមន្ត្រីជាន់ខ្ពស់នៃប្រទេសទាំងពីរចាប់តាំងពីរដ្ឋបាលរបស់ប្រធានាធិបតីអាមេរិក Donald Trump បានដាក់នូវអ្វីដែលលោកហៅថាពន្ធគយទៅវិញទៅមកលើប្រទេសចិនកាលពីខែមុន។
លោក Greer បានហៅការប្រជុំនេះថាមានលក្ខណៈស្ថាបនា។ គាត់បាននិយាយថា វាជារឿងសំខាន់ក្នុងការបង្ហាញថា យើងនឹងអាចឈានដល់ការព្រមព្រៀងគ្នាបានលឿនប៉ុណ្ណា ព្រោះថា ភាពខុសគ្នាលើបញ្ហានោះវាមិនធំដូចការគិតនោះទេ។
ឧបនាយករដ្ឋមន្ត្រីចិនបានថ្លែងថា វឌ្ឍនភាពសំខាន់ៗត្រូវបានធ្វើឡើងនៅក្នុងការចរចា ដោយមានការឯកភាពដ៏សំខាន់មួយបានឈានដល់ការស្រះស្រួល និងឯកភាព។ មន្ត្រីរូបនេះបាននិយាយថា ភាគីទាំងពីរបានយល់ព្រមបង្កើតយន្តការពិគ្រោះយោបល់សេដ្ឋកិច្ច និងពាណិជ្ជកម្ម ហើយថែមទាំងបានបញ្ជាក់យ៉ាងច្បាស់ថាពួកគេនឹងធ្វើការពិភាក្សាបន្ថែមទៀត។ លោកបានបន្ថែមថា សេចក្តីថ្លែងការណ៍រួមនឹងត្រូវចេញផ្សាយនៅថ្ងៃចន្ទនេះ។
សហរដ្ឋអាមេរិក និងចិនត្រូវបានជាប់គាំងនៅក្នុងស្ថានភាពពាណិជ្ជកម្មមិនធម្មតាជាមួយនឹងពន្ធបន្ថែមលើសពី ១០០ ភាគរយនៅនឹងកន្លែងប្រឆាំងនឹងគ្នាទៅវិញទៅមក។
ចិនបានអំពាវនាវឲ្យអាមេរិកលុបបំបាត់ការយកពន្ធដែលខ្លួនបានដាក់ថ្មីៗនេះ។ ទីក្រុងប៉េកាំងក៏បានបង្ហាញជំហររបស់ខ្លួនក្នុងការមិនងាយចុះសម្រុងគ្នាដែរលើបញ្ហាពន្ធដែលអាមេរិកដាក់ចេញ ដោយវាខ្ពស់ពេក។ ក្នុងពេលជាមួយគ្នានោះ លោក Trump បានបង្កប់ន័យកាលពីថ្ងៃព្រហស្បតិ៍ថា ពន្ធបន្ថែមលើប្រទេសចិនអាចត្រូវបានកាត់បន្ថយអាស្រ័យលើលទ្ធផលនៃការចរចា៕
ដោយ៖ ពេជ្រ
