មហាអំណាចសេដ្ឋកិច្ចទីបួនរបស់ទ្វីបអាហ្រ្វិក និងជាប្រទេសដែលមានប្រជាជនច្រើនជាងគេទីប្រាំមួយរបស់ពិភពលោកដែលមានប្រជាជនជាង 228 លាននាក់ នីហ្សេរីយ៉ា ត្រូវបានស្វាគមន៍ជាផ្លូវការចូលទៅក្នុងក្រុមនៃរដ្ឋដៃគូ BRICS។ នេះបើយោងតាមប្រទេសប្រេស៊ីលដែលជាប្រធានវិលជុំបច្ចុប្បន្នរបស់ប្លុកនេះ។
ក្រសួងការបរទេសប្រេស៊ីលបានប្រកាសកាលពីថ្ងៃសុក្រថានីហ្សេរីយ៉ាបានក្លាយជាដៃគូ BRICS ផ្លូវការទីប្រាំបួនហើយ ដោយចូលរួមជាមួយបេឡារុស្ស បូលីវី គុយបា កាហ្សាក់ស្ថាន ម៉ាឡេ ស៊ីថៃ អ៊ូហ្គង់ដានិងអ៊ូសបេគីស្ថាន។
ក្រសួងក៏បានបញ្ជាក់ថា ក្នុងការអនុវត្តតួនាទីជាប្រធានបណ្ដោះអាសន្នរបស់ BRICS រដ្ឋាភិបាលប្រេស៊ីលប្រកាសនៅថ្ងៃទី ១៧ ខែមករា ឆ្នាំ ២០២៥ ថា BRICSទទួលយកប្រទេសនីហ្សេរីយ៉ាជាប្រទេសដៃគូនៃការដាក់ជាក្រុមដ៏សំខាន់។
រដ្ឋាភិបាលប្រេស៊ីលបានកោតសរសើរប្រទេសនីហ្សេរីយ៉ាសម្រាប់ “ផលប្រយោជន៍រួមរបស់ខ្លួនជាមួយសមាជិកផ្សេងទៀតនៃ BRICS” និង តួនាទីសកម្មរបស់ខ្លួនក្នុងការពង្រឹងកិច្ចសហប្រតិបត្តិការខាងត្បូង-ខាងត្បូង និងក្នុងការកែទម្រង់អភិបាលកិច្ចសកល។
BRICS ត្រូវបានបង្កើតឡើងក្នុងឆ្នាំ 2009 ដោយប្រទេសប្រេស៊ីល រុស្ស៊ី ឥណ្ឌា និងចិន ជាមួយនឹងប្រទេសអាហ្រ្វិកខាងត្បូងចូលរួមនៅក្នុងឆ្នាំ 2011។ ដើមឡើយត្រូវបានមើលឃើញថាជាវេទិកាសម្រាប់ការវិនិយោគទៅវិញទៅមក និងស្ថិរភាពហិរញ្ញវត្ថុ ប៉ុន្តែចាប់តាំងពីពេលនោះមក ក្រុមនេះបានពង្រីករបៀបវារៈរបស់ខ្លួនដើម្បីរួមបញ្ចូលសន្តិសុខ និងអភិបាលកិច្ចសកលថែមទៀត។ នៅឆ្នាំ 2024 ប្លុកនេះបានពង្រីកសមាជិកភាពពេញសិទ្ធិរបស់ខ្លួនទៅកាន់ប្រទេសអ៊ីរ៉ង់ អេហ្ស៊ីប អេត្យូពី និងអារ៉ាប់រួម។ នៅខែមករា ឆ្នាំ 2025 ឥណ្ឌូនេស៊ី ដែលជាប្រទេសមានប្រជាជនច្រើនជាងគេលំដាប់ទីបួនរបស់ពិភពលោកដែលមានប្រជាជនជាង 270 លាននាក់ ក៏បានក្លាយជាសមាជិក BRICS ពេញសិទ្ធិផងដែរ។
ស្ថានភាពនៃទេសដៃគូថ្មីត្រូវបានអនុម័តនៅក្នុងកិច្ចប្រជុំកំពូល BRICS ក្នុងខែតុលា ដែលធ្វើជាម្ចាស់ផ្ទះដោយរុស្ស៊ីនៅទីក្រុង Kazan ហើយមានបំណងបម្រើជាជម្រើសមួយសម្រាប់សមាជិកភាពបន្ទាប់ពីប្រទេសជាង 30 បានដាក់ពាក្យចូលរួមអង្គការនេះ៕
ដោយ៖ ពេជ្រ
