ក្រុមអ្នកស៊ើបអង្កេតកូរ៉េខាងត្បូងបានឲ្យដឹងថា ពួកគេបានឃុំខ្លួនប្រធានាធិបតីលោក Yoon Suk-yeol ហើយ ប៉ុន្តែគាត់បដិសេធមិនសហការជាមួយយើងនោះទ្បើយ។ លោក Yoon ប្រឈមមុខនឹងការចោទប្រកាន់ពីបទបះបោរជុំវិញការប្រកាសច្បាប់អាជ្ញាសឹករបស់គាត់ក្នុងខែធ្នូ។ នេះជាលើកដំបូងក្នុងប្រវត្តិសាស្ត្រកូរ៉េខាងត្បូងដែលប្រធានាធិបតីត្រូវបានឃុំខ្លួន។ លោក Yoon កំពុងត្រូវបានសាកសួរនៅការិយាល័យស៊ើបអង្កេតអំពើពុករលួយសម្រាប់មន្ត្រីជាន់ខ្ពស់ក្នុងខេត្ត Gyeonggi ក្បែរទីក្រុងសេអ៊ូល។
ទីភ្នាក់ងារសារព័ត៌មាន Yonhap របស់កូរ៉េខាងត្បូងបានផ្សាយថា ការសាកសួរកំពុងត្រូវបានធ្វើឡើងនៅក្នុងបន្ទប់មួយដែលមានឧបករណ៍ថតវីដេអូ ប៉ុន្តែលោក Yoon បដិសេធមិននិយាយ ឬឲ្យថតនោះទ្បើយ។ តាមរបាយការណ៍បានឲ្យដឹងថា កន្លែងសម្រាកជាមួយសាឡុងត្រូវបានតំឡើងនៅមុខបន្ទប់ស៊ើបអង្កេត ហើយអាហារសម្រាប់លោក Yoon អាចត្រូវបានប្រគល់ឱ្យគាត់ផងដែរ។
យ៉ាងណាក៏ដោយលោក Yoon នៅតែរឹងទទឹង ខណៈដែលគាត់ត្រូវបានគេនាំខ្លួនទៅសាកសួរ។ លោកបានមានប្រសាសន៍ថា “ខ្ញុំមិនអាចជួយបាននោះទេ ប៉ុន្តែមានអារម្មណ៍ខកចិត្តដែលបានឃើញថាអ្នកស៊ើបអង្កេតកំពុងជំរុញឲ្យមានដីកាឃុំខ្លួនមិនត្រឹមត្រូវ។ ប៉ុន្តែខ្ញុំបានសម្រេចចិត្តទទួលយកសំណើនេះ បើទោះជាវាជាការស៊ើបអង្កេតខុសច្បាប់ក៏ដោយ ដើម្បីការពារការបង្ហូរឈាម ខណៈដែលអ្នកស៊ើបអង្កេតបានបង្ខំពួកគេចូលទៅ ប៉ុន្តែខ្ញុំជំទាស់នឹងការស៊ើបអង្កេតនេះ”។
សូមជម្រាបថា លោក Yoon មានការសម្របខ្លួនបន្ទាប់ពីមន្ត្រីប្រហែល ១,០០០ នាក់ត្រូវបានគេរាយការណ៍ថាបានឡោមព័ទ្ធលំនៅដ្ឋានរបស់គាត់នៅព្រឹកថ្ងៃពុធ ដោយឆ្លងកាត់របាំងដោយប្រើជណ្ដើរ។ មេធាវីរបស់លោក Yoon បាននិយាយនៅក្នុងសេចក្តីថ្លែងការណ៍មួយថា លោកបានណែនាំពួកគេឱ្យចរចាជាមួយអ្នកស៊ើបអង្កេតសម្រាប់ការចូលខ្លួនដោយស្ម័គ្រចិត្ត។ មេធាវីបានបន្ថែមថា យើងស្នើឱ្យប្រជាជនក្នុងប្រទេស ធ្វើជាមេធាវីរបស់លោក Yoon ហើយត្រូវប្រឈមមុខនឹងកងកម្លាំងដែលមានមនោគមវិជ្ជា និងអំណាចប្រឆាំងរដ្ឋាភិបាលកូរ៉េខាងជើង ដើម្បីរៀបចំឡើងវិញនូវសេរីភាព លទ្ធិប្រជាធិបតេយ្យ និងលទ្ធិប្រជាធិបតេយ្យរួមគ្នា។
យ៉ាងណាក៏ដោយ មិនមានរបាយការណ៍ពីការប៉ះទង្គិចជាមួយសន្តិសុខប្រធានាធិបតីនោះទេ ខណកាលមុននេះកងការពារលោកបានរារាំងការប៉ុនប៉ងដើម្បីចាប់ឃុំខ្លួនលោក Yoon ហើយប្រតិបត្តិការបានបរាជ័យ។
ទីភ្នាក់ងារព័ត៌មានយ៉ុនហាប់បានរាយការណ៍ថា Yoon អាចត្រូវបានដាក់ចូលទៅក្នុងបន្ទប់តែម្នាក់ឯងដែលមានទំហំប្រហែល 10 ម៉ែត្រការ៉េនៅក្នុងមជ្ឈមណ្ឌលឃុំឃាំងប្រហែល ៣ គីឡូម៉ែត្រពីការិយាល័យស៊ើបអង្កេត។ មន្ត្រីត្រូវបានគេរាយការណ៍ថាកំពុងពិភាក្សាអំពីរបៀបការពារគាត់ និងបញ្ហាផ្សេងៗទៀត ព្រោះថា កូរ៉េខាងត្បូងមិនដែកមានរឿងចាប់ខ្លួនប្រធានាធិបតីដែលកំពុងកាន់អំណាច និងដាក់ក្នុងមណ្ឌលឃុំឃាំងនោះទេ។ ច្បាប់កូរ៉េខាងត្បូងចែងថា ដីកាឃុំខ្លួនអនុញ្ញាតឱ្យអាជ្ញាធរឃុំខ្លួនប្រធានាធិបតីរហូតដល់៤៨ម៉ោង។ ប្រសិនបើពួកគេចង់បន្តឃុំខ្លួនប្រធានាធិបតីលើសពីការកំណត់នេះ ពួកគេត្រូវតែសុំតុលាការដើម្បីចេញដីកាចាប់ខ្លួន។ ប្រសិនបើពួកគេទទួលបានដីកា គេអាចឃុំខ្លួនគាត់រហូតដល់២០ថ្ងៃ។ ប៉ុន្តែប្រសិនបើតុលាការបដិសេធការចេញដីកានេះ លោក Yoon នឹងត្រូវដោះលែង។
ការឃុំខ្លួនរបស់គាត់កាលពីថ្ងៃពុធបាននិងកំពុងទាក់ទាញប្រតិកម្មចម្រុះពីសាធារណជន។ ស្ត្រីម្នាក់ដែលមានអាយុ ៣០ ឆ្នាំបាននិយាយថា”ខ្ញុំគិតថាវាខុសសម្រាប់គាត់ក្នុងការប្រកាសច្បាប់អាជ្ញាសឹក ដូច្នេះខ្ញុំរីករាយណាស់ដែលដីកាត្រូវបានចេញ ហើយគាត់ត្រូវបានឃុំខ្លួនដោយជោគជ័យ។ ខ្ញុំសង្ឃឹមថាអ្វីដែលកើតឡើងបន្ទាប់គឺត្រូវអនុវត្តតាមច្បាប់”។ បុរសម្នាក់ដែលមានអាយុ ៥០ ឆ្នាំបាននិយាយថា”ក្នុងនាមជាអ្នកដែលបានបោះឆ្នោតឱ្យគាត់ ខ្ញុំគិតថាការឃុំខ្លួនរបស់គាត់គឺគួរឱ្យសោកស្តាយ។ បេះដូងរបស់ខ្ញុំឈឺដោយសារតែយើងមិនអាចការពារប្រធានាធិបតី Yoon Suk-yeol” ។
លោក Yoon មិនបានចាកចេញពីគេហដ្ឋានរបស់លោកទេ ចាប់តាំងពីរដ្ឋសភាបានបោះឆ្នោតទម្លាក់លោកកាលពីខែមុន។ កាលពីថ្ងៃអង្គារ លោកបានរំលងសវនាការលើកដំបូងនៃការជំនុំជម្រះការចោទប្រកាន់របស់លោកនៅក្នុងតុលាការធម្មនុញ្ញ។ សវនាការលើកក្រោយគ្រោងធ្វើនៅថ្ងៃព្រហស្បតិ៍។ ប៉ុន្តែប្រព័ន្ធផ្សព្វផ្សាយក្នុងស្រុកនិយាយថា ការឃុំខ្លួនរបស់គាត់អាចប៉ះពាល់ដល់ដំណើរការរបស់តុលាការ៕
ដោយ៖ ពេជ្រ
