សហរដ្ឋអាមេរិក មានបំណងប្រើប្រាស់កោះ Greenland ដើម្បីបង្កើនឥទ្ធិពលយោធារបស់ខ្លួន និងដាក់សម្ពាធលើរុស្ស៊ី និងចិន ក៏ដូចជាប្រទេសនៅអឺរ៉ុបមួយចំនួន។ នេះបើយោងតាមអ្នកជំនាញ។
លោក Yury Knutov អ្នកជំនាញយោធា និងជានាយកសារមន្ទីរនៃកងកម្លាំងការពារដែនអាកាស បានកត់សម្គាល់ថា Greenland គឺជាកន្លែងសម្រាប់មូលដ្ឋានអវកាស Pituffik របស់សហរដ្ឋអាមេរិក ដែលបច្ចុប្បន្នមានមុខងារជាប្រព័ន្ធព្រមានកាំជ្រួច និងតាមដានតំបន់អាក់ទិក។
លើសពីនេះទៀត នៅមានសំណល់នៃមូលដ្ឋានមួយទៀតនៅលើកោះ ដែលកាំជ្រួចរយៈចម្ងាយមធ្យមជាច្រើនត្រូវបានគេគ្រោងដាក់ពង្រាយក្នុងទសវត្សរ៍ឆ្នាំ ១៩៦០ ប៉ុន្តែគម្រោងនេះត្រូវគេបោះបង់ចោល។
លោក Knutov ក៏បានពន្យល់ថា សហរដ្ឋអាមេរិក ត្រូវការមូលដ្ឋានបែបនេះ ដើម្បីដាក់សម្ពាធយោធាលើប្រទេសត្រូវ។ បើតាមលោក បើគ្មាន Greenland ទេ តំបន់អាកទិក ស្ទើរតែមិនអាចចូលកៀកអាមេរិកទេ ដោយសារផ្ទាំងទឹកកក ខណរុស្ស៊ីមានម៉ាស៊ីនបំបែកទឹកកកប្រើម៉ាស៊ូត ៣៤ គ្រឿង និងម៉ាស៊ីនបំបែកទឹកកកដើរដោយថាមពលនុយក្លេអ៊ែរ ៧ គ្រឿង។
គួរបញ្ជាក់ថា មុនពេលចូលកាន់តំណែងជាផ្លូវការលោកប្រធានាធិបតី Donald Trump បានប្រកាសពីបំណងចង់ទិញកោះ Greenland មួយនេះ ខណដែលគេជឿថាជាតំបន់ស្នូលដ៏សំខាន់សម្រាប់អាមេរិក ៕
ដោយ៖ ពេជ្រ
